Tonzang Peng Ah A Um Mi SAC Kuttang Khuabawi Le Peng Fimcawnnak Bawi Cem Tlaih Ding In Warrant An Chuah Hna
The Chinland Post | 2023 July 5 — Chin ramkulh, Tonzang peng ah a um mi SAC kuttang khuabawi le Fimcawnnak zung bawicem cu July 5 thawk in CDF-Tonzang nih Warrant an chuah hna.
Tonzang peng ah a um mi SAC kuttang khuabawi le peng fimcawnnak zung bawicem cu NUG President Duwa Lashi La nih a thanh mi sianginn awn lo ding le zung kai lo ding tiah nawl an chuah mi zul lo in, zung kai le sianginn hna an awn rih leng ah CDF-Tonzang phu kan doh hna lai tiah fak pi in an i tlerhkhawn caah ralrin peknak kan rak tuah cang tiah CDF-Tonzang nih cathanh ah an langhter.
CDF-Tonzang nih Tonzang khuabawi le peng fimcawnnak bawicem hna cu fawi tein dantat khawh an si ko nain an rak hrial hna, sihmanhsehlaw atu cu CDF-Tonzang cung ah bia fakfak in chim le dothlennak a mu an chiatter lawng siloin CDF-Tonzang an kan chalh tiah an langhter.
Cun CDF-Tonzang nih Tonzang peng chung ah SAC kuttang zung le sianginn awn lo ding tiah voi tampi ralrinnak kan thanh cang tiah an tial.
