Tonzang Peng ah India-Myanmar Pehtlaihnak Hlei Donhnak Ding Hmun An Zoh

TCP-Thantlang| 2018 October 31| Chin ramkulh Tonzang peng Darkhaing (khuahlun) khua pawng ah October 30 ni ah India-Myanmar ramri pehtlaihnak hlei le chawdawr tuahnak ding hmunhma cu tuanvo ngeitu hna nih an zoh tiah theih a si.

Mah ni ah Kawlram lei in chawlehthalnak zung Director U Thein Tun Oo le a hawile hna le Mizoram Champhai pengkomh zung lutlai Pu K. Vanlalthiana (Add.D.C) le Pi Lalsangpuii (Deputy Director, Commerce and Industry) hna le India ram lei in tuanvo ngeitu hna tel in hlei donhnak ding hmunhma kongah biachahnak ngeih dingin an zoh hi a si.

Atu bantuk in India-Myanmar ramri pehtlaihnak hmun 4 ah hlei donh ding a si pin ah Tonzang peng le Mizoram Champhai peng Hnahlan khuataw Tio ah ram hnih i pehtlaihnak ding hlei le chawdawr tuahnak ding hmun he telhchih in Chinram chungah hmun nga a um cang lai i Chimram chungin hangthei hanghnah a chuakmi zong India ram ah kuat khawhnak ding lam pakhat a si cang lai tiah kan theih.
Ref: IPRD Tonzang

Na ruahning rak langhter ve.. (Leave a comment)

%d bloggers like this: