Transformer A Cak Deuh Mi Kan Thlen Caah Mei A Mih Nak A Si: Ramkulh Electric Zung

Salai Elvis| 2019 April 11| Nihnih chung chun paoh ah mei a mihnak cu Hakha ma-ha-dat-aa-line Electric mei peknak (khuai-zung) in Transformer a cak deuh mi kan thlen caah mei a mihnak cu a si, April 12 ah cun tha tein mei kan pek khawh cang lai tiah Chin ramkulh Electric zung lutlai nih a chim.

“Hakha khua in Electric mei peknak 5MVA Transformer cu a cak deuh mi 10MVA Transformer ah thlen in kan remh lio a si caah, Hakha, Thantlang le Falam mei a mihnak cu a si. Cun, 5 MVA Tranformer pakhat in Hakha khuachung sangthen cheukhat le Thantlang, Falam khua cu tuni April 11 zanlei suimilam 1 in mei kan pek hna lai. Transformer kan thlen remhmi cu April 12 ni ah kan dih lai i mei cu caan hman tein a ra cang lai” tiah Chin ramkulh Electric zung lutlai nih TCP ah a chim.

Atu bantuk in Tranformer thlen remh kongah March 30 le 31 ah mei a mit lai tiah thawngpang arak leng bal nain a tubantuk April 10-12 kar lak ah rian kan tuan lai caah mei a mit chung lai timi mizapi sinah thawngthanhnak a um lo tiah kan theih.

Photo: Vanboi Lyan fb

Leave a Commnet

%d bloggers like this: