Trump Le Kim I Tonnak Ah South Korea President Moon Jae-in I Tel Ve Dawh A Si
City Hunter| 2018 May 29| Tuanpi i an rak timhtuahmi ningte in a hung tling kho dingmi Donald Trump le Kim Jong-un tuanbia roling ton biaruahnak ah South Korea President Moon Jae-in zong i tel ve dawh a si tiah South Korea cozah bu in tuanvo ngeitu hna nih May 28 ah an chim.
Hi tuanbia roling tonbiaruahnak ah South Korea President Moon Jae-in aa tel le tel lo ding cu American le North Korea ramhnih hruaitu upa hna tawlreltu khuakhan lairelnak cung ah aa hngat tiah White House lei nih an chim.
May 24 ah American President Trump nih Kim Jong-un he tonbiaruahnak an ngeih dingmi a hrawhnak kong a thanh. Asinain cuti a hrawh thaizing ah ramhnih hruaitu upa tawlreltu hna nih cuhlan an i timhmi ningte in tlamtlinternak ding an tawlrel than.
Atu an timhmi tuanbia roling ton biaruahnak hi North Korea hruaitu pakhat le atu lio rian a tlai cuahmahmi American President karah a hmasa bik ton biaruahnak a hung si lai.
Hi ramhnih hruaitu upa ton biaruahnak he pehtlai in a dikthliarmi thil sining kong hngalh khawh a si rih lo. Trump le Kim tuanbia roling tonbiaruahnak cu a ralaimi June 12, Singapore ah tuahding in an timh tiah theih a si.
Ref: Duwun
About The Author
