Trump Nih American Ramchung In Russia Cozah Palai 60 A Thawl Hna

City Hunter| 2018 March 27| Mi ngiatu (spy) tiah American nih a auhmi Russia ram cozah palai 60 cu tuzarh chung American ram in chuak dih hna seh tiah American President Donald Trump nih March 26 ah nawl a chuah. Atu hi Russia cozah tuahsermi lehrulhnak caah ram 20 renglo nih Russia cozah palai an thawimi hna hi 100 renglo an si cang.

British ram Salisbury khua ah Russia thlithup thlahmi (mi ngiatu) hlun fanu cu March 4 ah chemical siivai in dohkalhmi cung ah France, Germany le Poland ram telh in riantuanti hawikom ram 10 hrawng nih fekte in lehrulhnak an tuah. Canada ram zong nih Russia cozah palai minung 4 an thawl colh ve cang hna.

Russia cozah i cohlan khawh lomi chemical hriamnam hnatlaknak a buarmi le ramkip upadi pawl a burmi lehnak caah Russia council zung pakhat phihkharpiak telh in American nih dantatnak a tuah hi a si tiah ramleng ministry zung nih an chimphuan.

Chemical hriamnam in tukdohnak hi Russia cozah nih a tuah tiah Britain, NATO phu le midang ram tampi nih sual an phawt. Russia nih remdaihnak rawhnak ding le ralser duhnak rian a tuah tiah American cozah lutlai pakhat nih White House nih dantatnak a tuahmi kong he fianternak bia a chim. American ramkomh Washington ramkulh, Seattle i Russia council zung cu April 2 ah phihkhar ding in American cozah nih nawlpeknak ca an chuah.

Russia cozah lehrulhnak caah Russia innpa ram a simi Ukraine, Canada, Europe chungtel ram pin ah ram 20 renglo nih an ramchung in an thawlmi hna Russia cozah palai hi 100 renglo an si cang.
Ref: VOA Burmese, DVB

Na ruahning rak langhter ve.. (Leave a comment)

%d bloggers like this: