Tukum Chin Miphun Ni Golf Tuk Zuamnak Ah Pu Tluang Hre Mang Nih Pakhatnak A Co

0

Salai Cung Cung |2019 February 22| Akum 71nak Chin Miphun Ni conglawmhnak caah golf tuk zuamnak an tuah i Pu Tluang Hre Mang (Hakha) nih pakhatnak laksawng ks. 250,000 le trophy a co tiah kan theih.

“Hi golf tuk zuamnak cu nikum in kan thawk i tu hi avoi 2nak a si cang. Kumdang ah cun zuamnak sawhsawh lawng kan tuah i nikum in Chin ramkulh minister cup tiin kan tuah. Khual zong tampi kan sawm hna. Tukum golf tuk zuamnak laksawng peknak hmun ah Chin ramkulh Chief minister le adang minister nih an kan telpi khawh. Hmailei zong kan pehzulh peng rih ko lai” tiah Chin ramkulh Sipin Director hlun Pu Thla Hre nih The Chinland Post ah a chim.

Hi Chin Miphun Ni conglawmhnak caah tiin golf tuk zuamnak ah hin khual tampi an sawm hna i khual a ra khomi hi Kalay in minung 2, Tedim in 6, Falam in 4, khual hi minung 12 an si. An zapi golf tuk aa zuam mi hi minung 51 an si tiah kan theih.

Hi golf tuk a bu zuamnak ah Hakha nih Sing 3 in pakhatnak an hmuh. Pahnihnak ah Sing 2 in Paletwa nih a co i pathumnak cu a um lo. Nikum avoi khatnak Chin ramkulh minister cup ah Pu Tial Thawng Lian (Hakha) nih pakhatnak a co tiah kan theih.

About The Author

Na ruahning rak langhter ve.. (Leave a comment)

%d bloggers like this: