Tukum Chin Miphun Ni Zuamcawh Paih Ah Thawng Tling Nih Champion A Co

Tawk Tling Thang| 2019 February 20| February 20, Hakha ah tuahmi Chin Miphun Ni zuamcawh paih ah Hakha Khuathar in Thawng Tling nih champion a co.

Tukum Chin Miphun Ni ah zuamcawh paih cu February 20 chun in an tuah i final ah Denmark in a rak tlungmi Chuncung khuami Lian Za Pum le Hakha Khuathar in Thawng Tling an i pai. Thawng Tling nih khelhnih thlak in a tei caah champion a co i pahnihnak laksawng cu Lian Za Pum nih a co.

Tukum Chin Miphun Ni, zatlang paih cu February 19 chun in an thawk i USA in arak tlungmi Hakha Khuahlun Bawi Hnin nih bual a co. Minung tambik a teitu cu Hakha Khuathar in Tha Hlei Cung a si, minung 16 a tei hna.

Club paih ah pakhatnak laksawng ks. cu Hakha Khuathar nih an co. Pahnihnak laksawng ks. cu Hniarlawn nih an co.

Zuamcawh champion laksawng cu ks. sing 15 (1,500,000) le Taisawm a si i Thawng Tling nih a co. Zuamcawh pahnihnak laksawng cu ks. sing 10 (1,000,000) a si i Lian Za Pum nih a co.

Zatlang paih bualco laksawng cu ks. sing 5 (500,000) a si i Bawi Hnin nih a co. Minung tambik teitu laksawng cu ks. sing 2 (200,000) a si i Tha Hlei Cung nih a co. Club paih pakhatnak laksawng cu ks. sing 3 (300,000) a si i Hakha Khuathar nih an co. Pahnihnak laksawng cu ks. sing 2 (200,000) a si i Hniarlawn nih an co. Paih dawhbik hi Van Nawl a si i ks. sing 2 (200,000) laksawng a co.

Hika ah The Hakha Post nih a thlakmi zuamcawh an i paihnak le champion a conak video zoh khawh a si. 

Thawng Tling hi 2017 kum zuamcawh paih ah champion arak co bal cangmi a si. 2018 kum ah US in arak tlungmi Rung Lian Ceu nih champion a co. Zatlang paih ah bual a comi Bawi Hnin cu nihin club le zuamcawh ah aa pai ti lo tiah kan theih.

Na ruahning rak langhter ve.. (Leave a comment)

%d bloggers like this: