Tukum Chin Ramkulh In Taanghra Camipuai Phiding Minung 12102 An Si
Salai Cung Cung |2019 February 22|2018-2019 cacawn kum Chin ramkulh ah taanghra camipuai phitnak hmun 30 chung in camipuai phi ding zapi minung 12102 an si tiah kan theih.
Tukum Taanghra camipuaui phitnak hmun 30 cu; Hakha pengkomh chung in Hakha BESH-No.1 in minung 874, BESH- No.2 in minung 406, BESH-No.3 in minung 688. Thlantlang BESH- No.1 in minung 322, Tikir BESH (then) in minung 62, Hnaring BESH in minung 141.
Falam pengkomh chung in Falam BESH-No.1 in minung 780, BESH-No.2 in minung 432, Rihkhawdar BESH in minung 61, Tonzang BESH in minung 182, Cikha BESH in minung 215, Tedim BESH-No.1 in minung 847, BESH-No.2 in minung 951, BESH (then) in minung 243, Khaikam BESH in minung 137, Htoh Line BESH in minung 106.
Mindat pengkomh chung in Mindat BESH-No.1 in minung 884, BESH-No.3 in minung 590, Kanpetlet BESH in minung 522, CinDawi (Kanpetlet) BESH in minung 164, Matupi BESH-No.1 in minung 571, BESH-No.2 in minung 447, Lailenpi BESH in minung 246, Rezua BESH in minung 116, Lungngo BESH in minung 56, Sabawngte BESH in minung 41, Paletwa BESH-No.1 (camipuai phitnak No.1)in minung 507, Peletwa BESH-No.1 (camipuai phitnak No.2) in minung 773, Peletwa BESH-No.2 in minung 344, Sami BESH in minung 388 an si, a zapi Chin ramkulh chung taanghra phi ding minung 12,102 an si tiah Chin ramkulh fimcawnnak zung cazin ning in kan theih.
Tukum 2018-2019 cacawn kum taanghra phit cu March 6 in an thawk lai tiah kan theih.
2018 kum Myanmar ram pumpi tanghra camipuai ah Chinram in camipuai a phi dingmi zapi hi 11,741 an si. Hi chung ah siangngakchia 1574 nih camipuai an phit lo caah zatuak 86.59% lawng camipuai an phi.
Nikum Myanmar rampi tanghra camipuai a phi dingmi zapi hi 844,358 an si i a phi taktakmi zapi hi 788,863 lawng an si. Myanmar rampi huap in camipuai phit lo in a baumi zapi hi 55,495 an si tiah kan theih.
About The Author
