Tukum Hakha Tho Ni Ah CPC Paih Zuamnak An Tuah Than Lai Lo
Salai Cung Cung |2018 October 16| October 25 ah tuah dingmi Tho ni ah CPC tawlrelnak in tuahdingmi Lai Paih zuamnak a um than lai lo tiah kan theih.
“Hi Tho ah hin Chinland Paih Championship he hmunkhat ah i fonh in tuahti ding lungtlin a rak si cang nain anmah Chinland Paih Championship nih Tho program chung ah Paih laksawng Champion a ngahmi pawl laksawng peknak kha an duh lo. Annih cun tei leh cangka in laksawng i pek kha an duh caah CPC le Tho Committee cu hmunkhat ah tuahti ding a si kho ti lo. Cucaah ton biaruahnak kan ngeih hna i kaphnih hnatlaknak in mah le program in tuah cio ding kan ti. CPC Paih cu October 27 ah an tuah lai i kannih Tho puai tu cu Paih um ti lo in October 25 ah kan tuah lai” tiah Pu Thla Kio Lian nih The Chinland Post ah a chim.
“Paih hi kanmah Tho program a si lo, zeitik hmanh ah kan rak tuah bal lo. Tutan ah hin CPC lei in Paih um lai ti kan theih i CPC he i fonh in a tha deuh lai, sunglawi deuh in le minung pawl zong i nuam deuh in le Paih zong hi a thancho chin lengmang nakhnga tiah lungtlingnak kan ngei. Asinain anmah CPC he tonbia ruahnak kan ngei tikah anmah nih an tuahmi LIVE thlahnak aa laklawh ca le Tho program chung i Paih Championship laksawng pek an duh lo caah a tlamtlin than lonak hi a si” tiah a biapeh ah a chimchap. +++
About The Author
