Tukum Sianghleirun Kai Aa Timmi Nih Pyay Ti Oo Foundation Scholarship Sok Khawh A Si

Salai Cung Cung|2018 May 10| Pyay Ti Oo Scholarship Foundation cu sianginn kainak bawmhchanh taktak a herhmi zapi bawmhchanhnak ding hmuitinh he 2010 kum in an rak dirhmi foundation pakhat a si. Tukum sianghleirun kai aa timmi paoh nih Pyay Ti Oo foundation Scholarship sok khawh a si.

A biapi in tukum mark tha in tanghra a awng i tukum (2018-19) cacawn kum ah Medicine University kai aa timmi minung 5, Industry University kai aa timmi 5, Law kai aa timmi 2, an zapi minung 12 cu bawmhnak pek an timh caah a tanglei thil sining pawl hi sok khawh an si.
– Mah tein tialmi application lawng in sok ding
– Tanghra awng nak satificat coppy
– Sok tu nu le pa NVS coppy, chungkhar cazin
– Color passport pa 3, pehtlai nak um nak le ph
– Nu le pa or zohken tu nih nafa nu\pa a sianginn kai nak ah ahar sak nak chim
– University kai nak caah tangka lei har nak na ngeih mi kha khua bawi zung I hnatla pi nak minthu

1. Mahte in tialmi form in sok ding
2. Tanghra awnnak mark cazin meihto
3. A soktu le hringtu nu le pa hmatpungtin meihto le innchungkhar cazin meihto

4. Color passport 3, (pehtlaihnak tlingte le phone number)
5. Hringtu nu le pa nih fanu, fapa sianginn kainak caah an har hrimhrim nak kong tialchih ding
6. Sianghleirun kainak caah chawva harnak kong mah umnak sang khuabawi zung hngalhpinak catlap

7. A tanglei ning in mah pumpak te in biakamnak catial ding
A. Kumtin te catang ka awng hrimhrim lai, camipuai ka sungh ahcun hmaikum bawmhnak ka ngah ti lai lo timi ka hngalh tiah (sianginn kaimi attendant tlin lo zong ah camipuai sungh ah ruah a si lai).
B. Mi zeibantuk minung pumpak le mibu sin ah bawmhnak laaklonak kong biakamnak
C. Sianginn kai chung ah party ramkhel cawlcanghnak ka tuah hrimhrim lai lo timi biakamnak
D. Pyay Ti Oo foundation bawmhnak in Sii lei sianghleirun in siibawi degree na ngah ahcun ramchung sifakmi mizapi ngandamnak rian a tlawm bik kum 5 papek in ka tuan hrimhrim lai timi biakamnak

8. Pyay Ti Oo foundation No.311, Room 11, Bogyoke Aung San road (35), No.2 block, Kyauttata township, Yangon ah 2018 kum October 30 hlan ah pehtlaih thawngthanh a si lai.

9. Thimmi siangngakchia cu thlafatin ks. 100,000/- (singkhat) bawmhnak pek a si lai. Sianginn khar caan ah ks. 20,000 bawmhnak pek a si lai. Mah minung 12 pin ah siangngakchia dang zong a lenglei bawmchantu an um ahcun kan i pehtlaih than te hna lai.

Contact Detail
09-731213444, 09-250794440, 09-252602255
Ref: Edge

Na ruahning rak langhter ve.. (Leave a comment)

%d bloggers like this: