Tukum Tanghra Camipuai Phi Ding Mino Pahnih Rithaisii He An Tlaih Hna

TCP-Thantlang| 2019 February 10| Pago ramthen, Taung-ngu palek nih tukum tanghra camipuai a phi ding mino pahnih cu rithaisi he February 9 ah an tlaih hna tiah kan theih.
Way Yan (kum 15) le Htin Aung Ling (kum 16) cu palek nih thawngpang an theih leh cangka in hlathlainak an tuah hna hnu Cycle cungah WY rithaisii tlang 5 he an tlaih hna hi a si. Hi hna pahnih cu tukum tanghra camipuai a lengin a phi ding an si tiah kan theih.

Hi rithaisii cu U Thein Aung @Yawa-hi timi pa sin ah ks.80,000 an pek hnu in an fapa nih sii cu a pek hna. Palek nih U Thein Aung @Yawa-hi le a fapa cu tlaih dingin an luh hnawh hna nain an tlik manh caah a nu pi le nu pakhat lawng an rak um nain an inn chungah WY rithaisii tlang (38), tonghthamnak thilri hmanrua pawl le tangka sing 4 renglo zong an hmuh chuah. Rithaisii zuartu hna innchungkhar cu an dihlak in rithaisii upadi 16 (c), 19 (a), 20 (a) le 21 ningin ahmuh (case) an hunpiak hna pin ah pa fa a zammi zong an kawlhawl lio hna an si. Siangngakchia pahnih zong chekhlatnak an tuah lio hna a si tiah kan theih.
Ref: Myanmar-update-news

Leave a Commnet

%d bloggers like this: