Tuluk Cozah Nih American Lehrulhnak Caah Ngunkhuai 25% Tiang A Rengh Ve Cang

City Hunter| 2018 April 2| Tuluk cozah nih thingthei, voksa telh in American luhpimi thil phun 128 cu American dollar 3 billion tiang ngunkhuai laak ding a ti i cu a biakhiahnak cu April 2 in a nung colh tiah theih a si.

March thla chung American i thir le aluminum thilri luhpimi pawl ngunkhuai laaknak lehrulhnak caah Tuluk cozah zong nih American thilri luhpimi cung ah ngunkhuai renghnak a hun tuah ve hi a si.

Tuluk thilri luhpimi American dollar 60 billion ngunkhuai renghmi cung ah American ramchung Tuluk rian pawl chawphumnak rikhiahnak ding program cu American President Donald Trump nih March 22 ahkhan a thanh.

Tuluk ram i American sipuazi lei rian pawl fimnak thilri i firnak le kuatnak cu tha ka pek tiah biakhiahnak a tuah hnu ah dantatnak tuahding ka timh tiah American nih a chim.

Hi lio ah Tuluk cozah zong nih lehrulhnak caah American thilri luhpimi cung ah dollar 3 billion tiang ngunkhuai ka rengh lai tiah a chimphuan ve. Tuluk cozah nih ri a khiahmi thilri luhpi man ngunkhuai kholh le laakning ah American in Aluminium le tikhal chung ah chiahmi voksa cu zatuak 25% tiang ngunkhuai a laak lai.

A hakmi thingthei, thingthei a hring le a car, American wine telh in a dangdang American in luhpimi thilri pawl hna zong ngunkhuai zatuak 15% tiang ka kaiter lai tiah Tuluk cozah nih a chim. Tuluk cozah nih American in thir luhpimi pawl zong ngunkhuai zatuak 15% a kaiter lai tiah theih a si.

Ref: Duwun

Na ruahning rak langhter ve.. (Leave a comment)

%d bloggers like this: