Tuluk Nih COVID-19 Runven Khamhnak Sii Testnak Caah Sii Phunthum Hmannak Nawl A Pek

Adenovirus Vector Vaccine COVID-19/Xinhua

TCP-Hakha| 2020 April 14| Tuluk ah COVID-19 Runven Khamhnak Sii a tuah i cu tuahmi hmanchunhnak (testnak) caah sii phunthum cu hmannak nawl a pek cang tiah Tuluk Science & Technology Vuanci zung Lutlai pakhat nih April 14, 2020 ah a chim.

Hi runven khamhnak sii (vaccine) hi Tuluk Ralkap siilei thiamsang sianginn (Military Science Academy) in Mr. Chen Wei hruaimi hlathlainak (Research) phu nih tuahmi a si i sii min ah Adenovirus Vector Vaccine tiin min pek a si. COVID-19 dohnak caah avoikhatnak bik an chuahmi runvennak khamhsii a si tiah theih a si.

Hi hlathlainak phu nih an tuahmi Adenovirus Vector Vaccine sii hi March thla dih ah hmanchunhnak avoikhatnak an tuah bal cang hi a voihnihnak ah atu April 12, 2020 in an thok hi a si.

World Health Organization biathanh ning ahcun Adenovirus Vector Vaccine sii hi COVID-19 khamnak caah voihnih tiang test hnu in minung sin hman dingmi apakhatnak bik sii a si tiah an langhter. Ref: Xinhua Myanmar April 14

Na ruahning rak langhter ve.. (Leave a comment)

%d bloggers like this: