Tuluk nih Kawlram Remdaihnak caah $1 million a pek

TCP-Hakha| 2019 November 11| Myanmar remdaih khuakhannak caah Tuluk Cozah nih USD dollar 1 million (US dollor singhra) a bawmh tiah theih a si.

Cu bawmhmi pekchanhnak cu Tuluk Asia palai Kawlram phanmi Mr. Sun Guoxiang nih Kawlram rianngeitu National Reconciliation & Peace Centre (NRPC) upa sin ah pekchanhnak a tuah. Hi tangka sing thonghra chung ahhin NRPC caah $400,000 le Daihnak committee timi Peace Council caah $300,000 le Kahngol zohfeltu committee JMC caah $300,000 a zapi sing hra (1million) a pek hna hi a si.

Hi kong he pehtlai in ramhnih ihawikomhnak zoh in Kawlram remdaihnak cu kan si khawh chungin kan izuam lai tiah Sun Guoxiang chimmi cu Tuluk Cozah media Xinhua nih a langhter.

Tuluk nih Kawlram Remdaihnak caah tiin a hlan zongah bawmhnak tampi a rak pe bal cangmi a si I Kawlram ah hawikom in kan dir khawh chinnak hnga ti zong tutan Kawlram a rat ah a chim. Tutan ah Ralkap bawizik Min Aung Hlaing le rampi ruahnak petu Daw Aung San Suu Kyi ton biaruahnak a ngeih hna. Ref: Irrawwaddy