Tuluk nih Kawlram Yuan 4 Billion Bawmhding Biakamh
Tuluk President Xi Jinping le Aung San Suh Kyi/AFP
Kawlram le Tuluk Ihawikomhnak Kum &70) caamtuak Tuluk President Xi Jinping Kawlram a rat caan ah Tuluk Cozah nih a ralaimi kum (3) chung Tuluk tangka Yuan 4 billion (US dollor sing 600) Kawlram thanchonak caah bawmh ding bia a kamh tiah Kawlram Cozah ngeimi Myanma Alin January 19, 2020 ah an langhter.
Kawlram President U Win Myint sawmnak in Tuluk President Xi Jinping cu January 17-18, 2020 chung Naypidaw a rak phan i January 18 ni Cozeh lei he ceihhmainak an ngei lio ah hi bantuk biakamnak a tuah hi a si. Hi biaruahnak ah Kawlram Remdaihnak le rualremnak sermi le Rakhine ram ralzam hna hmunhma pek thannak kong ah Tuluk nih bawmhnak ka pek lai ti zong a chim.
Tuluk president Kawlram a rat ah Tuluk le Kawlram kar riantuantiding hnatlaknak – 6, biahren (MoU) -11, hnatlak lungtlinnak-4, hnatlakmi -9 ipeknak le hnatlaknak thar 3 azapi (33) hnatlak minthutnak an ngei tiah theih a si. Ref: 7Days +++
