Tuluk ram in vawleicung dihlak ah a karhding Vok pul zawtnak a chuak kho

0

Photo - BBC

Vawleicung dihlak cul in a karh kho dingmi Vok pul zawtnak phun khat cu Tuluk ram ah an hmuh tiah BBC English News nih June 30 ah Instagram in thanhnak ca a tial.

Thiamsang (Scientists) hna nih Tuluk in a chuakmi vok pul zawtnak hi lau tuk ding le tihnung buaibainak tiin cun kan hmuh rih lo nain minung sin zong ah chawnh khawhmi zawtnak phun a lawh ngai caah naihniam te in zohfel a herh tiah an chim.

Vok ah a tlungmi zawtnak ‘virus’ hi zeibantuk a si timi theih khawh a si rih lo. Saram zawtnak thiamsang le atu lio vok ah a tlungmi ‘virus’ kong dothlatnak a tuah cuahmah liomi Prof Kin-Chow Chang nih hi zawtnak ‘virus’ hi a karh, a than ahcun minung ah a tlung khomi le a peh khomi a si tiah ralrinnak a chim.

Tuluk ram ah vok cu theih rih lomi zawtnak phun khat in an thi thluahmah nain nihin tiang thlopnak sii hmuh a si rih lo. Zawtnak a min hngalh le pek khawh zong a si rih lo.

Prof Kin-Chow Chang nih, “Virus a karh ning zeitindah a si timi fakpi in dothlatnak kan tuah lio a si. Hi ‘virus’ nih zeitluk in harnak a kan pek khawh i a umtu ning le minung he zong pehtlainak a ngei kho ti hi kan phang ngaimi a si caah ralring te in kan dothlat cuahmah lio a si,” tiah a chim.

Chin ramkulh Thantlang peng zong ah vok tampi an thi tiah theih a si. Cun Rangoon ah a ummi The Chinland Post theihhngalh pakhat nih Hlaing Tha Yar zong ah vok tampi a ruang theih lomi zawtnak in an thi cuahmah ve tiah a chim.

About The Author

Na ruahning rak langhter ve.. (Leave a comment)

%d bloggers like this: