Tuzan 2018 Miss Thantlang Leengdawh Thimnak Ah Ahodah Winner A Co Lai?

The Chinland Post | 2018 October 24| Avoi 1nak 2018 Miss Thantlang (Tho) zuamnak cu tuzan (October 24 zan) ah thimnak tuah a si lai i Miss Winner, first runner up le Second Runner up tiang thim an si lai, ahodah laksawng co lai?

Winner a hmutu cu tangka singkhat (100,000), Crown, le pangpar, First runner up cu tangka 70,000, pangpar le a dangdang, Second Runner up cu 50,000, pangpar le a dangdang, mizapi nih thimmi (people choice) cu tangka 50,000, pangpar le Crown laksawng le a dangdang laksawng pek ding in timhtuahnak an ngei.

People Choice cu Online vote in thimnak an tuah i like le share tambik in Mai Teresa Sui Ngun Tling (like 560 le share 853) nih a ngah. Tuzan ah laksawng peknak an ngeih te lai.

Miss thimnak cu tuzan (October 24) TSC nih Show an tuah ni ah an thim hna lai. 2018 Miss Thantlang cu Marie Stopes Myanmar (Thantlang) ummi nih sponsor sing 5 an pek hna lai tiah theih a si.

Miss thimnak ah aa zuammi hna cu Thantlang khuapi chung in an si. Cu hna cu;
1. Miss Van Tha Len Tial
2. Mai Tuan Par
3. Mai Sang Iang Tlem
4. Mai San Dar Win
5. Mai Sui Tha Chin Par
6. Mai Hniang Tha Par
7. Mai Dawt Hlei Sung
8. Mai Hnaing Sung Chin
9. Mai Siang Hnem Thluai
10. Mai Siang Chin Tial
11. Mai Teresa Sui Ngun Tling
12. Mai Van Cer Cin
13. Mai Van Thluai Zi
14. Mai Dawt Tha Hluan Sung
15. Mai Ni Hlei Tial
16. Mai Nau Moon Moon Aye
17. Mai Van Tin Par Mawi
18. Mai Ni Din Par
19. Mai Ngun Za Len Par
20. Mai Anita Ngun Chin Tial an si.

Online vote peknak in like le share a tambikmi minung pali cu; Mai Teresa Sui Ngun Tling (like 560 le share 853), Mai Siang Chin Tial (like 246 le share 820), Mai Anita Ngun Chin Tial (like 435 le share 609), Mai Ni Din Par (like 543 le share 534) an si.

Thantlang Tho le Miss zuamnak cu Thantlang Youth Association (TYA) tawlrelnak in tuahmi a si. Thantlang khuapi huap in a hmasa bik miss zuamnak an tuah a si.

Biakilh: Hmanthlak hi aa dawh bik in thimmi an si lo, online vote tambik a hmutu ti in taar a si. 

Na ruahning rak langhter ve.. (Leave a comment)

%d bloggers like this: