Tuzan Ah Quarter-Finals Aa Tong Dingmi Uruguay Le France Pumpululh An Tuanbia
TCP-Online| 2018 June 6| 2018 World Cup cu June 14 ni khan Russia ram ah an thawk i vawleicung ram 32 an i tel. Hi World Cup caah hin inntek Russia zong nih biatakte ahlankan pi khan timhlamhnak an rak ngei. Tuzan Kawlram caan zan sml.8:30pm ah aa tong dingmi Uruguay le France ram pumpululh tuanbia ah an rak i ton ning hna a tawinak in vun cuan hna usih.
2011 October thla lio khan, 2018 World cup cu Russia ram hmun 14 ah le certual 16 ah tuah a si lai ti an rak thanh. Nain, khual a rami hna ca le aa celhtu hna ca umkal a har deuh lai ti an ruah caah 2012 September 29 ni khan hmun 12 le cettual 12 ah tuah a si than lai tiah Russia cozah lei nih an thanh than.
July 6-7 tiang cu Quarter-finals an chuih lai i July 10-11 ah Semi-finals a si than te lai. Pathumnak cu July 14 le a pakhatnak cu July 15 ni Russia ram khualipi Moscow ram ah a si te lai. Tuzan Kawlram caan zan sml. 8:30pm ah aa tong dingmi Uruguay le France ram pumpululh tuanbia ah an rak i ton ning hna a tawinak in vun cuan hna usih.
Uruguay le France hi pumpululh tuanbia ah voi 8 khengte a rak i tong balmi an si i France nih hin voikhat lawng an rak tei. Puai 4 cu an i tluk i puai 3 cu Uruguay nih an rak tei. Hnu bik an i ton cu 2013 kum khan a si i Uruguay nih goal khat in an rak tei.
World cup tuanbia ah voi 3 an i tong bal cang i France nih voi khat hmanh an rak tei lo. 1966 kum World cup ah 2-1 in Uruguay nih an rak tei i 2002 le 2010 kum World cup cu teitu um loin an rak i tluk.
Tukum World cup ah Uruguay hi sungh voi khat hmanh um loin Quarter-final an kai. France bel cu puai khat sungh le puai thum teinak hmu in Quarter-fianl ah Uruguay he tuzan aa tong ding an si.
Pumpuluh tuanbia ah Uruguay le France ram zoh tikah France nih hin voikhat lawng an tei bal. Uruguay tu nih cun voi 3 tiang an rak tei. Tukum World Cup bel ah hin cun France ram zong biatakte in Final kai ding an i zuam ve i tuzan ah Uruguay an tei si cun kum 12 chung ah Semi-final an kai a si lai. Pumpuluh chuih zohtu vialte nih tuzan cu zei nih aa tei lai ti hngak bu in rak zoh cio hna usih.+++
About The Author
