Tuzan Hakha Show Ah David Lai, Jenevy Sui, Lal Din Thari, Van Siang Mang Le Hlasakthiam Tampi Hla An Sa Lai
Hmanthlak ngeitu: Paling
City Hunter| 2018 April 22| Hakha Diocese Silver Jubilee (RC Khrihfabu) April 20-22 tiang, Hakha St. Josheph Cathedral ah an tuah. A donghnak zan a simi tuzan (April 22) cu show taktak in tuah an timh caah zuun hla deuh an sa cang lai. Hi zan ah Hlasak thiam David Lai, Jenevy Sui, Lal Din Thari, Van Siang Mang telh in hlasak thiam midang tampi zong hlasaknak an ngei kho lai tiah kan theih.
Hi kong he pehtlai in ringawn tum lei le hlasaknak lei tuanvo pekmi Faifairock band in an lutlai A Lian nih atu bantuk in The Chinland Post ah a chim.
“Hakha Diocese Silver Jubilee, lunglawmhnak thlacam tuahnak ahhin ringawn tumnak lei le hlasaknak lei ah kanmah Faifairock band tuanvo pek kan si. Budget a kan pekmi he aa tlak in Rangoon lei Chin hlasak thiam zong kan sawm hna. Cu hna cu; David Lai, Jenevy Sui, Lal Din Thari an si. Cun, ringawn tumtu ah kanmah Fiakfairock band chungtel a simi Mang Za Kam le Van Tha zong kan sawm hna. Lai lei in hlasak thiam Van Siang Man, Billy, Rapper Paling, Thla Thawng, Lung Tum Kheng, Mercy le a dangdang hlasak thiam zong an i tel lai. Tu zan cu show taktak in tuahtimh a si caah zuun hla deuh an sa lai”.
Tuzan hla a sa dingmi David Lai, Jenevy Sui le Lal Din Thari cu April 20 ahkhan Hakha an phan cang. Hlasaknak belte cu an ngei rih lo, tuzan ah an ngei lai tiah kan theih.
Rapper hlasak thiam Paling nih, “April 20 le 21 zan cu Pathian (gospel) hla lawngte an sa. Kei zong April 21 zan kha Pathian hla fungkhat ka sa. Tuzan hi cu free show a si cang lai caah zuun hla deuh kan sa cio cang hna lai. Fung 3 tluk sak ding in kaa ring, nain a caan zohchunh a hau te lai” tiah The Chinland Post ah a chim.
April 20 zan kha thangthat pumhnak le gospel hla in show an ngei. April 21 chun kha Ordination peknak in caan an hmang. April 21 zan cu nunphung laam hmuhsaknak an ngei tiah kan theih.
About The Author
