Tuzan Portugal Le Spain An Chuih Lai; Ahodah Na Zumh Deuh?

0

City Hunter| 2018 June 15| Tuzan, Kawlram caan in zantim suimilam 12:30 ah group B in Portugal le Spain an chuih lai. 2010 quarter final ah Spain nih an rak tei bal hna. Tuzan ah Portugal nih an i hlipphuak kho lai maw, ahodah na zumh deuh ve?

An thazaang le an dirhmun zohchih in van epchunh ta hna usih.

Portugal le Spain Puai Cuanhchungnak
Tuzan Portugal le Spain puai ah Spain phu in minthang zaanglekcelh thiam Ramos, David Silva, Diego Costa le a dangdang chuihthiam an i celh kho lai. Manchester City in David Silva hi puai 121 a chuih chung ah goal 35 a ngei cang. 2010 world cup le 2014 world cup tiah voihnih a chuih cang.

Portugal phu in hmaikal C. Ronaldo, Andre Silva, Bruno Fernandes, Pepe le a dangdang chuihthiam an i celh kho ve lai. C. Ronaldo hi puai 150 a chuih chung ah goal 81 a ngei cang. 2006 World Cup, 2010 World Cup le 2014 World Cup tiah voithum a chuih cang.
Tuzan Portugal le Spain puai cu C. Ronaldo le David Silva puai zong a lo te kho men.

Portugal Dirhmun
World cup tuanbia ah Portugal hi voikhat hmanh champion an co bal rih lo. 2010 kum quarter final ah Spain nih an rak thlak hna. 2014 kum ah group in an rak tla. UEFA Euro 2016 kum ah champion an co.

Spain Dirhmun
2010 World Cup ah champion an laak. 2014 kum ah group in an tla.
World Cup ah Portugal le Spain a donghnak bik an chuih le an i ton cu 2010 kum quarter final a si. Spain nih 1-0 in an rak tei hna. Tuzan (2018 June 16 zan) tah ahodah teinak a hmu lai ti nan zumh cio?

June 15 zan ah puai thum an chuih lai. Cu hna cu;

  • June 15 zan suimilam 6:30 ah Egypt le Uruguay
  • June 15 zan suimilam 9:30 ah Morocco le Iran
  • June 16 deilei suimilam 12:30 ah Portugal le Spain

Egypt Le Uruguay
Egypt in Liverpool hmaikal Mohamed Salah, Marwan Mohsen minthang an chuih lai. Cun,Uruguay in Barcelona hmaikal Luis Suarez, Carlos, Cavani asiloah Gomez an chuih kho. Cucaah zoh an nuam ngai lai. Egypt in Salah le Uruguay in Suarez puai ti zong auh a si te kho men.

Cu bantuk in Morocco le Iran hi cu cutluk in zapi nih ngaitthlaimi ah an i tel lem lo. Iran hi mi tamdeuh nih an zumh deuh hna. Nangtah tuzan chuih dingmi puai thum hi aho dah teinak an hmu lai tiah na ruah ve?

Group B in Portugal le Spain nih champion co kho ding tiang in zumhmi an si bantuk in Group B in anmah phu hnih hi an kai lai lai i Morocco, Iran hi group in an tla te theu lai ti ka zumh. Nangtah zeitindah na ruah ve?
Ref: Worldsoccer

About The Author

Na ruahning rak langhter ve.. (Leave a comment)

%d bloggers like this: