Tuzarh Chung Vice President Henry Van Thio Chinram Peng 5 Ah A Tlawng Lai
Tawk Tling Thang | 2019 April 22| Myanmar rampi Vice President Henry Van Thio cu tuzarh chung ah Chinram peng 5 ah a tlawng lai tiah kan theih.
Hi kong he pehtlai in Chin ramkulh chimnak nawlngeitu Minister U Soe Htet pehtlaihnak kan tuah i atu bantuk in achim.
“Vice President Henry Van Thio tuzarh chung Laitlang tlawn aa tim. Zeitik ni ah dah a rak tlawn lai timi a dikthliar cu aa fiang rih lo, asinain tuzarh chung ahcun a si ko lai. Tutan a khuallam ahhin Chinram peng 5 ah a tlawng lai. Cucu, Mindat, Kanpetlet, Matupi, Hakha le Thantlang an si lai. Pengkip thanchonak rian an tuanmi chekfel le Chinram lam le sul vehvat ah a biapi in Chinram tlawn aa timhnak hi a si”.
“Tutan a rak tlawn ah Mindat-Kanpetlet le Matupi lampi siseh, Matupi le Hakha lampi a zohfel lai. A biapi in Hakha-Hmandaw lam asiloah Hakha-Taungkhayan lam a zohfel lai” tiah a biapeh ah a chimchap.
Vice President hi April 25 asilole 26 hi Hakha a phan lai i Hakha ah zankhat a riak lai. Hakha in Taungkhayan lam a zohfel lai. Hakha in Taungkhayan lam kar hi khan (meng) 62 lawng aa hlat. Cun, Gangaw ah zankhat a riak kho men tiah Hakha khuahlum upa pakhat sin in kan theih.
About The Author
