Tuzingka Kalay- Aung Thetsa Sang Ah Inn 4 A Kaang
Salai CungCung|2019 May 8| Kalay-Aung Thetsa sang ah U Tan Aung kum 53 Inn cu May 8 zing suimilam 4 hrawng in Heat Coil (pawnghmuk chumhnak) a linh tuk caah a kaang i a dang inn thum zong thil chiahnak khan pakhat le sokon timi light truck motor pakhat a kangh chih tiah kan theih.
Hi mei kanghnak cu Heat Coil timi (pawnghmuk chumhnak) a linh tuk caah mei kangh aa thawknak cu a si. Cuti a kangh ruangah inn pali, thil chiahnak khan pakhat le motor pakhat mei nih a kangh chih tiah kan theih.
Hi mei kanghnak ah meithat zung riantuantu minung 50, penguk lutlai le sangmi hna nih meithahnak motor 6, tiphor motor 3 le ralkap tlaihmi tiphorhnak motor 5 he mei cu zinglei suimilam 4:45am hrawng ah an thah dih khawh. Hi inn kangh ruang ah cozah tuakning in sunghmi zapi hi ks. sing 80 tluk a si.
Hi mei kanghnak kong he pehtlai in Kalay palek zung ah mei kangh lio ah tuanvo ngeitu Pu Lal Lian Cung cu dantat ding in case an tuah tiah kan theih.
Ref: Kalay iprd
About The Author
