TYA Cup Ah Biakinn Sang le Sianginn Sang (A) Pakhatnak An I Cuh Lai
Salai Elvis| 2018 Tho 19| Avoi 5nak TYA (Thantlang Youth Association) Cup cu October 15 in an thok i Thantlang khuachung sangthen chungin phu 7 an chuih i October 18 ah Simi-final Sianginn (A) le Market sang, Biakinn sang le Zunghmun sang an chuih i teinak a hmumi veve Sianginn sang (A) le Biakinn sang cu October 19 zanlei suimilam 3 ah pakhatnak an i cuh lai tiah theih a si.
October 18 Simi-final Sianginn (A) 2 – 1 Market, Biakinn 2 – 1 Zunghmun an si. October 19 (zanlei 3:00) Final chuih dingmi cu Biakinn sang Vs Sianginn (A) an si.
TYA cup a voi 5nak tuahmi chungah aa tel khomi hna sang cu; Saihpiozi sang, TABC sang, Biakinn sang, Market sang, Zunghmun sang, Sianginn sang (A) + (B) le Sianginn sang (hmunthar) an si.
Tutan an laksawng cu pakhatnak tangka sing 2, Seal le Medal le pahnihnak tangka sing 1 le medal pek an si lai. A chuihmi hna chungah thiamhlei laksawng zong (trophy) an pek hna lai.
Tutan avoi 5nak TYA Cup ah sangchung in a lut kho lomi Lungtial sang an si i a thar a lut mi Sianginn sang hmunthar (meithahnak zung lei) an i chap ve i an zapi phu 7 an si. TYA Cup a dih hnu October 24 ah anmah hruainak thiam in THO an tuah rih lai tiah kan theih.
About The Author
