U Win Myint Nih President Rian Tuanvo A Laak Lai Tiah NLD Chimnak Nawlngeitu Nih A Chim Ruangmang Cang

0

City Hunter| 2018 March 22| A rian a chuahtaktu rampi President U Htin Kyaw thutdan cu Pyithu hluttaw Speaker hlun U Win Myint nih tuanvo a laak lai tiah NLD party in chimnak nawlngeitu Dr. Myo Nyunt nih DVB he a dangte in biaruahnak an ngeih lio ah fehternak bia a chim.

“Atu lio phungphai ning le thil umtuning zoh tikah U Win Myint nih President rian tuanvo cu a laak lai tiah ka ruah. Atu tiang cu party ah hngalhternak tuahmi a um rih lo. Asinain atu an tuah cuahmahmi rian umtuning cun U Win Myint hi rampi President tuanvo latu a si ko lai ti ka ruah” tiah Dr. Myo Nyunt nih a chim.

NLD chimnak nawlngeitu Dr. Myo Nyunt

“U Win Myint President si ding cu nan hngalh bantuk khan fehter khawh a si ko cang. Amah hi Daw Aung San Suu Kyi he zong naihniamte in pehtlaihnak a ngeimi an si. Suu Kyi nih aa bochan ngaimi a si pin ah Central CEC secretary chungtel pakhat zong a si fawn. Cun, ramkhel umtuning le mizapi an herhmi phungphai umkalning zong fiangte in a hmu khotu a si caah President caah aa tlak bik a si ko” tiah March 21 zan The Voice he biaruahnak ah Central NLD party chungtel le central NLD thawngthanhnak lei committee chungtel a simi Monywa Aung Shin nih a chim.

President U Htin Kyaw nih a rian in i dinh a duh ruang ah 2018 March 21 thawk khan rampi President rian in aa phuak. Kum 50 chung ah a hmasa bik mizapi thimmi President U Htin Kyaw cu president a tuannak kum 2 a tlinnak ding ni 9 aa duh bak ah aa phuah hi a si. Atu ah kum 72 a si cang. President U Htin Kyaw a rian in aa phuah ni bak ah Pyithu hluttaw Speaker U Win Myint zong nih a rian a chuahtak colh ve.

President rian (thutdan) a lawngmi cu ni 7 chung ah phungphrampi ning in thim a si lai.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: