U Wirathu 969 Cu Insein Thonginn Ah Khumh A Si Cang

0

Salai Bawi Lian Sang| TCP-Kalay| November 18, 2020| Time Magazine nih The Face Of Buddhist Terror timi U Wirathu cu a luam cia thla 17 lio ah cozah nih tlaih ding in thawngzamh nak an rak tuah i police nih tlihmanh hlan ah a rak tli mi cu November 2, 2020 ni police kut ah a mah tein a rak tlaih ter. Tu cu nitlak yangon ramthen biaceih zung ah tazacuai in an um cang. November 3 ni video conferencing tuah hnu ah Insein thonginn ah thial a si cang.

U Wirathu cu biaceihzung ah amah pumpak rat in biaceih a si rih lo nate in video conferencing tu in biaceih a si i biaceih zung nih zarhhnih hnu ah a kong ceih than ding in bia khiahnak an tuah.

November 17, zing 10:00AM ah Video Conferencing in biaceihnak an tuah. December (1) ni ah a kong ceih than ding in bia khiah nak an tuah hi a si.

Biaceihbawi nih a ra dingmi biaceihni ah a mah taza a cuai tu Tette hna bia hal nak kan ngei hna lai tiin a chim tiah nitlak Yangon police bawi nih a chim.

Yangon ramthen thonginn zung director U Zaw Zaw nih “Covid pulrai lio a si ruangah ngandamnak lei kap in thongtla pawl cu video Conferencing in biaceihnak kan tuah hna” tiah a chim.

U Wirathu cu Kawlram uktu upa, Rampi biaceihzung le uktu bawi upa pawl bia tha lo chim in soiselnak ruang ah Nitlak lei pengkulh uk tu bawi U San Min nih Pohmah 124/A in 2019 kum May 28 ah taza a rak cuai mi a si.‌ေ Crd: 7 Day News

About The Author

Na ruahning rak langhter ve.. (Leave a comment)

%d bloggers like this: