U Wirathu Te Dirhmi Conference An Tuahnak  Ah Ralkap Bawi Nih Tangka Sing 300 A Hlut

Salai Khin Maung Thein| 2019 June 24| Hlan Mahbahtah timi bu nih Yangon Innsein peng June 17 ah tonnak an tuah. Mah bu cu  hlan ah phungdawtphu, Mahbahtah (U Wirathu) te phu nih Central Buddhist Biaknak Foundation Conference ah Yangon ralkap tianghmu Bogyoke Thet Bung nih ks. sing 300 an hlut hna. Mah kong ah hin phungki an si caah kan hlut mi a si tiah Ralkap nih thawngzamhnak an tuah.

Mahbahtah bu min hi rampi mah-hah-nah nih phungning lo dirhmi bu tiah an rak hnawhter hna ruang ah mahbahtah min thleng in tuahmi bu an si i hlan Mahbahtah zung a nganbik umnak ah Tianghmu Bogyoke pumpak kal in sing 300 a va hlut hna. Mah Conference ah biachahnak 7 an tuah.

Biachahnak 7 chung ummi 2nak ah cun ”Tulio cozah chan ah Wintanuh lungput biazai an hrawhmi le phungdawtnak hla an herh lo an tinak kong le  phungtanhnak a herhlo an ti mi hi miphun dawtnak caah ral a si tiah cathanhnak an tuah.

Cun number 3nak ah Nu pawl Buddhist Shwe sehdaw an ti mi (Pathian ihnak) ah lutlo ding ti a um mi kha ram hruaitu nu a  luh caah Myanmar nunphung an buar tiah an telh rih.

Cun number 4nak ah “Hngakchia nuhrin covo Upadi Pohmah 21 ah ramchung hrinmi hngakchia poah hrinnak ID Hmanhpungtin chuahpiak ding upadi cu Amyotha hluttaw nih cohlan ding tiah biakhiahnak a tuahmi nih phungninglo in ramdang a vami hngakchia an cohlan mi a si tiah an ti rih. Mah cu miphun dang nih dolh te ding kha tha a pek an ti chih. Raldonhnak in tih a nungmi a si tiah an ti rih.

Number 6nak ah cun Wirathu Mashoeying nih State Counselor Daw Aung San Suu Kyi kong a chimmi cu a dikmi a hmanmi a chim kha a si ko  an ti. Mah ruang ah Pohmah 124(A) dan peknak cu thihhlan lo thongthlak a si ruang ah upadi ningcang lo in rian an tuannak cu kan  duh lo tiah an ti.

Hlan Mahbahtah bu nih 969 cawlcanghnak hi kawlram huap in a rak cawlcang. Kalay-Kabaw zong  arak umve caah mahhna pawl sining hi Khrifa nih kan theih awk ve hrim a si. 969 cu Muslim biaknak a hmang mi 786 phungning bantuk tein a kal mi asi tiah Time Mekazin nih Nazi “Hit Tler “ bantuk tiah an ti mi U Wirathu nih achim  hlei ah “2015 Kawl ram President cah U Thein Sein (Ralkap cozah)a chuak  khawh thannak ding ah 969 nih kan dirhkamh lai“ tiah an chim rih. U Wirathu hi Thong kum 8 tlak hnu ah Mandalay Masuying  timi phungki haukulh chung lu bik a si. Mah, blah, tah a chuahtertu ti in Time Magazine nihcun The face of Buddhist Terrors tiah an ti. 969 karh nak ding cah Khrihfa nih kan tuah ngaimi Crusade zong hmun kip ah an hun tuah thluahmah ve. Biak nak le Politic le Sipuazi kemh chih in mizapi an cawnpiak hna. Kawl ram hi Buddhist ram a si cah kan ram Politic hruai tu zong Buddhist a si a herh. Kan ram thanchoter le ram rum sinak ding ah Kawldawr ah thilcawk in mah le mah i cawisan, i bawmh a herh. Myanmar Vice President Henry Van Thio a chuah lio zong ah chikkhat cu buainak an rak tuah. Hmailei ah tihnung tukmi  Khrihfa le Buddhist karlak zong ah buainak a chuak lo ding in thla cam peng hna u sih.

Hika ah video zoh khawh a si.  

Ref: DVB Burmese

Biakilh: Hi cabia cu hmuhning cabia, Salai Khin Maung Thein tialmi a si.

Leave a Commnet

%d bloggers like this: