U Zo Khai Thawng; Mei A Rawhnak Kan Hmuh Hlan Chung Paoh Ma-ha-dat-aa Line Mei A Mit Lai

City Hunter | 2018 April 3| April 3 zanlei in 66KV line, ma-ha-dat-aa line mei a rawh ruang ah Gangaw, Hakha, Thantlang, Falam, Khaikam le Kalay electric mei a mit dih. Gangaw le Kyaw karlak in a rawk ti cu an theih khawh cang nain tuzan suimilm 8:40pm tiang mei a rawhnak an hmuh kho rih lo tiah kan theih.

Hi kong he pehtlai in Chin ramkulh Electric zung in lutlai Pu Zo Khai Thawng nih atu bantuk in The Chinland Post ah a chim.

โ€œTuchun mei a rawh cang khan khuazei in dah mei a rawh timi chekhlatnak kan tuah colh i Gangaw le Kyaw kar in mei a rawk ti kan hngalh khawh colh. Kyaw le Gangaw cu a lam aa hlat tuk. Ramlak pi ah khua zei in dah a rawh timi riantuantu nih an kawl I an chek ko nain suimilam 8:40 tiang khan cu a rawhnak an hmu kho rih lo. Mei a rawhnak an hmuh khawh hlan chung cu Gangaw, Hakha, Thantlang, Falam, Khaikam le Kalay tibantuk 66KV line a hmangmi khua paoh cu mei a mit rih ko lai.โ€

โ€œTuzan hi suimilam 11:00 tiang hrawng a rawhnak an kawl lai i an hmuh lo cun an i din rih lai I thaizing zingkate in an kawl than te lai. Mei a rawhnak an hmu khawh rih lo caah a si. An hmuh ahcun fawite in an ser colh khawh ko lai. Mei a rawhnak an tuak tikah fakpi in rawh dawh cu a si lo. A rawhnak an hmuh cangka ser colh le mei pek colh a si ko lai. Tuzan an hmuh lo hmanh ah thaizing ah an hmuh hrimhrim ko lai ti ka zumhโ€ tiah a biapeh ah a chimchih.

April 2 zan khan khua a ri, tek a tla. Cu ruang ah tek tlak, thingkung tluk le por ruang ah atu bantuk in mei a rawhnak hi a si kho men tiah Hakha EPC zung riantuantu pakhat nih a ruahdamhnak kong The Chinland Post ah a chim.

Na ruahning rak langhter ve.. (Leave a comment)

%d bloggers like this: