Myanmar Ram- Thimnak Hnin si Party UDP Zeidah A Ton Lai

Salai Bawi Lian Sang| TCP-Kalay| October 7, 2020| Kum (5) chungah Myanmar rampi a thancho lo ah cun Party chairman thong thlak khawh ka si tiah Union Democratic Party lemsoinak ah an hmangmi hi a phungdang te a si ve.

Phundang ngai a si tiah chim nak cu September 29 zan ah Party Chairman U Kyaw Myint cu tongtli a si tiah an tlaih.

Buainak le khuaruahharnak he a khat mi minung pakhat nih a hruaimi nih chun/zan in party lian pakhat a si mi UDP party cu ramkhel kong ah a duh mi hna caah cun mi lungthin a la ngai.

2020 thimnak kum ah NLD a chang tu MP Candidate minung 1131 in a pahnihnak a tambik mi party in aa zuam dingmi hmailei ram hruai tu an tlaih hi zeitin dah a cang kho. Mah Party cu a tu ah mipi theihhngalh mithmaithar ngeimi party a si lo. 2010 thimkum lio ah Party register a rak tuah I USDP hlan in Party Register a rak ngei cangmi a si.

Hnin-si party cu No. 16nak a rak si i USDP hi No. 32nak a si tiah rampi thimnak commission nih rampi upadi ning te in thimnak cazin ah a rak langhter. 2010 le 2015 rampi thimnak ah thutnak dirhmun MP pakhat hmanh a rak tling lo mi party cu 2020 thimkum ah MP candidate thongkhat hlei zeitin dah a kawl/hmuh i a vun i zuam khawh ning a si.

2020 thimkum ah minthang hmaithar party a simi Ralbawi Thuyah Shwe Mann-(Union Betterment Party- UBP) party le Ramkhel minthang U Ko Ko Kyi hruaimi-( People’s People- PP party), Dr. Thet Thet Khiane hruaimi-( People’s Pioneer Party- PPP) party pawl cu Hnin-si party UDP tluk in thimnak ah an i zuam kho lo.

NLD nih UDP party cu thimnak ah minung 9 te in a tei. Hnimsi party ah MP candidate minung 1143 an rak si natein party dang hna nih duhlonak ca an rak tial ruang ah 1131 lawng an si nak a si. NLD party nih thimnak a lut lo dingmi Kokang peng Laukkiang peng le Kongyan peng ah UDP party thimnak aa zuam lai.

Union Democratic Party (UDP)

“Keimah cu mizeihmanh ka si lo. Ka thiam hlei fon lo. A thiam mi cu a hodah a si. Ramchung mipi” tiah MP Candidate hmuntam pi ah aa zuam timhnak kong he pehtlai in U Kyaw Myint nih TV bia chimnak a rak chim.

Mah muilangh T.V cu Party facebook ah an rak langhter I an tlaih hlan deuh ni 3 aa duhnak September 26 ah an rak langhter.

“Sang/khua kip party tuanvo ngei tu mipi 10,000 hlei le MP Candidate 1131 a kawl/hmuh kho mi cu party nih tangka a bawmh khawh ruang ah a si lo. An mah le khua le ram thancho an duh caah teirialnak he an lut cio mi a si” tiah U Kyaw Myint nih a chim. “Party ah tangka a ngei lo. A sifah ko” tiah a chim chih.

“Tangka a si ko. Tang ka a hmang khawh caah party liam a si khawh mi a si” tiah Tibaw MP hlun U Ye Thun nih a chim. “Tangka a ngei lo mi MP Candidate cheukhat cu register tuahnak kyat 300,000 bawmhnak kan pek hna” tiah U Kyaw Myint nih a chim.

Cun, Party zungon nak a dih mi tangka zong Myanmar Kyaw Company in bawmhnak kan hmunh tiah MP candidate cheukhat sin in theih a si.

Kum 5 Chung Ah Singapore Kan Tei Lai

BBC nih a rak hal mi ah Hnimsi party cheukhat le MP candidate cheukhat chimnak ah Party nih bawmhnak tam a pe lo I mah ngeihmi tangka kan hmang tiah an chim. Cun, Myanmar Kyaw Company nih Party ah tangka a bawmh ti mi a chungmurul pehtlainak hi theih khawh a si lo.

“Party tlangau hna cheukhat nih leiba hmanh kan ngei “tiah UDP party in Mandalay ramthen hruaitu U Myo Myo Aung nih a chim. Amah telh in MP Candidate cheukhat nih an chim ning ah cun, Hnin-si party chungtel sinak ding ah party tleihtleng 12 cu kan duh ko tiah an chim. Ramkhel thiam pawl nih an chimning ah cun mah an party tleihtleng 12 chung tel rel hmasa bik apakhat nak cu Mi a nih ter ngai bantuk in a um an ti.

Kum 5 chung ah Singapore ram tei ding in kan tuah lai ti hi a si. Mah hnu ah rampi chung vialte Highway lam kan tuah lai. Rampi chung vialte khua te kip Kattaya lam kan tuah lai. Rampi chung tlanglawng lam kan ser lai I vawlei cung level phan khawh ding kan tuah lai. Rampi cung Electric mei dohcap lo in kan tuah lai. Cozah budget zohchih in kum 5 chung ah thilhar vialte kan tuan dih lai tiah a um.

Nihlawh ah kyat 10000 hmuhkhawh ding in kan tuah lai. Kum 60 cung lei upakhat bawmhnak cu pensen bantuk in kan tuah lai tiah bia kam nak a tuah mi a um.

“Chairman pa ruang ah Party chungtel ka lut nak a si lo. Mah party tleihtleng 12 ka duh caah Party ka lut” tiah U Myo Myo Aung nih a chim.

Hnin-Si party UDP Chairman U Kyaw Myint

U Kyaw Myint cu Myanmar Kyone Yeom company dirhtu a si i 1997 December thla ah a company cu min thurhnom (blaclist) cazin ah chiah a rak tong i tangka lei buainak a chuah hnu ah thong kum 9 thlak ding in bia an rak khiahpiak nain thonginn in a rak zaam.

“Hninsi(UDP) Chairman U Kyaw Myint cu nizan September 29 zan ah Yangon aumnak Panhliang Innya ah Palik nih Upadi Pohmah 224 in tlaih in tazacui a si cang. U Kyaw Myint hi a bik in thongtli hmuh in tazacuai a si. Cun Myanmar ram zeitin in a rak lut than ti le hnu lei can zeibantuk minung dah a si ti kha kan dohhlah lio a si” tiah Yangon ramthen Palik bawi nih September 30, zing ah Myanmar Now news ah a chim.

An tlaihnak kong he pehtlai in UDP party hruaitu cheukhat cu Irrawaddy nih kan pehtlaih hna nain phone an tlaih duh lo. Ralkap lei zong nih U Kyaw Myint an tlaihnak kong tiah an fehter i a dikthliar cu palek phu hal ding in Irrawaddy ah an kan leh.

Sualnak lei kongkau upadi pohmah 224 cu, “Mi zeipaoh mah sualphawt sualnak caah siseh, sualnak a ngei tiah sualphawtmi caah, upadi he aa tlak in tlaihmi kha hramhram in al asiloah cu sualnak caah upadi he aa tlak in tlaih tik i zaam asilole zaam ding in thazaang a chuah ahcun cu nu, cupa cu kumhnih tiang thongthlaknak in siseh, tangka liamternak in siseh, a phunhnih ning in dantat” khawh a si.

“Nizan zan ah Palik nih an tlaih. Thongtli balmi a si caah palik nih an tlaih. Adang kong cu hlathlai lio a si. Palik tuanvo ning in an tuan lio ko” tiah U Zaw Htay nih a chim.

Upadi Pohmah 224 ah cun upadi bantuk in tlaih a si mi a tli a si lo le tli dingin aa zuammi mi cu thong kum 2 tiang thlakkhawh, Tang ka cuailiam ter he tiah phun hnih in damthat khawhnak upadi ah a um.

Thongtli U Kyaw Myint cu Rampi cozah nih zeibatuk hnatlalnak he an rak cohlan I, Tuluk ram passport atlaihnak le Canada ram dornak ngei in umkal kho tu a si tiah ceihphai a ton I Party caah tangka tampi a hmangkho tu, Party chungtel hna cu amah Company chung tangka in bawmhnak a pek hna mi cu upadi he aa ralkahmi a si le si lo kong ah President zung nih dothlat a si le si lo mahvialte cu Rampi President zung chimnak nawlngei sin ah Myanmar now nih bia halnak a ngei.

Hninsi(UDP) U Kyaw Myint @ Micheal Kyaw Myint Hoa Hu hi “Wah” ralkap he aa pehtlaimi a si tiah zumhmi Myanmar KyunYou Company lutlai a rak si bal i 1998 kum ah Myanmar Company Art upadi a rak buar mi le Tangka kong buainak ah Tonginn kum (9) an rak thlak balmi a si tiah kha hlan chan ramkip thawngzamh ca ah an rak langhter bal mi a si.

Myanmar now nih a dohhlat ciami thongthla cazin ah U Kyaw Myit hi a mah ngeimi Company min chia cazin ah a rak tel balmi Senior General Than Shwe telh in ralkap hruaitu hna sin ah hnatlakpi lonak ca an rak pek hnu ah tlaih a rak ton mi a si.

1998 kum January 1 ni ah U Kyaw Myint cu Pohmah 2 in tong kum 9 an rak thlak. Kum khat hnu 1999 kum January 19 ni ah Mandalay Siizung pi ah thongtla min in siithlop ding a ra I palik Lu Maw timi pa he an tli I an luat mi a si.

U Kyaw Myint cu Mandalay Oophuthong in a luat hnu ah USA ram le Canada ram hna refugee in aa rak dor. United Democratic Party (UDP) cu Canada ram ah 2007 kum ah a rak dirh i 2010 thimkum hlan ah ramchung ramkhel party ah tel ve ding in Rampi Commissioner sin ah nawl an rak hal bal hna.

U Kyaw Myint hi 2013 kum ah Myanmar ram a rak lut hnu ah Party President a tuan peng rih .A party UDP cu 2010 in 2015 kum thimnak ah an rak I zuam natein teinak a hmu lo.

UDP party cu nihin September 21 ni ah Party Chairman a konglam vialte chimnak ah “1989 kum ah Myanmar ram pumpi daihnak caah a rak tang ngaimi daihnak hruaitu pa a si tiah an chim na tein daihnak lam sernak ah U Kyaw Myint a rak I tel bal ti cu suallam ngei lo” tiah Ralkap chung Dohhlat (MI) bawi hlum nih Myanmar now sin ah a chim.

Rampi daihnak ah k arak I tel balnak ruang cu Myanmar ram ramkhel hi lutnak a si bantuk in thimnak phunglam kong zong September 26 ni ah Mipi sin biachimnak Television zong ah UDP Chairman U Kyaw Myint nih a chim.

Cu hlei ah Ramkhel pohmah in thongtlak a rak ton balnak kong zong TV biachimnak ah a telh chih.

1990 thimnak lio can ah teinak a co tu National Democracy Party Center ah uknak an pek a hau tiah Ralkap bawi sin ah ruahnak a pek hna ruang ah a dihlak mi in thongthlak ka ton hi a si tiah U Kyaw Myint nih mah chan lio thawngzamhnak ah ca a rak tial bal mi a si.

Tukum thimnak ah party tangka hman ding he pehtlai in U Kyaw Myint i company pakhat a simi Myanmar Kyaw company in tangka dih hram chuahpiak le party lemsoinak caah tangka hmanmi kong ah biahalnak tampi zong a chuak. Cu biahalmi cung ah Myanmar Kyaw company he pehtlai in hngalh duh ahcun tuanvo ngeitu ngunkhuai zung ah hlat khawh a si ko tiah U Kyaw Myint nih party i social media ah a chim.

Myanmar ramkhel lei minthang Dr. Yanmyothien nih cun apahnihnak party liam Hnin-si party ruang in NLD me tampi a cheu ter kho lai tiah a chim.

Thimnak ah MP Candidate a pahnihnak a tam bik mi party, rampumpi ah party zung tampi an on khawh caah party thazang in thimnak ah teinak kan hmuh lo zong ah Myanmar ramkhel kong ah thiltuahkhawhnak lam pakhatkhat kan dirh khawh mi a si ko tiah U Ye Thun nih a chim.

“Tangka chuahpiak tu an um le um lo ka hngal lo .Sihmanhseh law fialmi an um ko ah cun a mah (U Kyaw Myint) thil ti kho nak a langhter nak a si ko” tiah U Ye Thun nih a chim.

UDP party hi 2010 le 2015 thimnak ah Chin ram ahcun an rak i cuh kho lo. Asinain, tukum thimnak ahcun Chin ramkulh pengkip ti awk tlak ah an i cuh dih ve lai tiah theih a si.

Ref: BBC Burmese, Myanmar Now, Irrawaddy