Uk Ling Thang Nih Champion Siangpahrang Taisawm A Co

The Chinland Post| 2019 September 2| August 31 Dallas ah champion a co balmi minung pariat i ton in tuahmi King of Champions timi Champion Siangpahrang taisawm cu Uk Ling Thang nih a co tiah kan theih.

King of Champions paih ah final aa paimi cu Biak Hmun Sang le Uk Ling Thang an si. Uk Ling Thang nih a tei caah atu bantuk in Champion vialte lakah champion taisawm a co.

Tutan championship paih ah zatlang paih bualco tu cu Biak Hmun Sang a si. King of Champion timi zuamcawh paih ah aa paimi hna hi champion a co balmi lawngte an si.

Uk Ling Thang hi tutan champion taisawm a comi hi avoi 13nak champion a co a si cang. 2013 ah US a phan. Paih aa awtnak hi kum 5 hrawng a rak si lio in a si cang. Bual a co hmasa biknak cu 2016 kum Dallas CND ah zatlang he zuamcawh he bual a rak co.

“Hmailei zong ah kaa pai thluahmah ko lai. Pathian nih damnak a ka pek ahcun, bualco nakin kan Lai paih a thancho hi ka duh deuhmi a si. A ka zuamcawhtu an um i mizapi nuamhnak ding a si ahcun ka tlaih ko hna lai” tiah The Chinland Post he ton biaruahnak ah Uk Ling Thang nih a rak chim.

“Atu bantuk in hmailei zong ah kan dirkamh chin lengmang ko uh. Nan thapeknak thawng in paih a thangcho chin lengmang, nikhat hnu nikhat in! Cun, kan Laipa a simi nihcun rak kan paih pi cio uh, nang kan tei e, kei nih kan tei ee timi lungput ngei lo in kan Lai paih hi dirpi in thanchoter chin cio hna usih” tiah Uk Ling Thang nih a chimchap.

Uk Ling Thang a chuahkehnak cu Hakha peng, Hniarlawn khua a si. A nu le a pa min cu; Pu Hniang Uk (tleicia) le Pi Sai Thlia an si. Unau pa sarih lakah a hniangbik a si. Atu hi Dallas TX ah a um.

Hika ah CCN nih Uk Ling Thang biahalnak tawite an ngeihnak le laksawng peknak zoh khawh a si.

 

Leave a Commnet

%d bloggers like this: