Ukraine hriam ka bomh lai tiah Germany nih biakhiahnak a tuah

The Chinland Post | 2022 February 28 — Ukraine he pehtlai in Germany ram nih a zulhphung thlen in Ukraine lei ka ṭang lai i hriamnam pawl bawmh lawng si loin Russia nih ramdang tangka a kuat khawhnak SWIFT chung in rii khiahpiak dingah hnatlaknak a ngei.

Russia nih Ukraine a tukmi hi tuanbia ah a nganbikmi thlennak a si i raltuknak um ti lomi chan siningpi kha a thlenter tiah Germany Minister Olaf Scholz nih a chim.

Cucaah, Vladimir Putin ralkap pawl nih Ukraine ramchung lut in an raltuknak khamkhawhnak caah a ṭha bik in ka bawmh lai tiah Minister nih a chim.

Germany nih raltuknak hmunhma ah hriamnam zuarnak nawl saupi a phihmi cu a thlen i a voikhatnak bik ah tank hrawhnak hriam 1,000 le Stinger 500 ka pek lai tiah biakamnak a ngei.
Cu lawng si loin, Netherland zong nih Ukraine bomhnak ding caah Germany in a cawkmi tank hrawhnak hriamngan (launcher) 400 pekchap dingin Germany nih nawl a pek.

Cu bantukin, Estonia nih Ukraine caah a cawkmi nichuak Germany chan ta canon 8 zong Germany nih nawl a pek.
Tank 14 le Fuel 10,000 leng zong Poland ram tan in Ukraine cu pek a si lai.#

Ref: VOA Burmese

Na ruahning rak langhter ve.. (Leave a comment)

%d bloggers like this: