Ukraine ralkap pawl nawl an peknak hna zung hriamngan nih a khen i ralbawi 50 leng an thi tiah Russia nih a chim

The Chinland Post | 2022 June 21 – Russia nih a langhlat in a kahmi hriamngan nih Ukraine ralkap pawl nawl an peknak hna zung cu a hrawh i Ukraine ralbawi 50 leng an thi tiah Russia nih June 19 ah a chim.

Severodonetsk khua dirhmun hi a har tuk ko nain kan tlaih khawh rih tiah Ukraine nih a chim.

Russia Ministry of Defense biachimbak nawl a ngeitu Igor Konashenkov nih “Russia ralkap pawl nih Ukraine raltuknak lei an inn pawl kah le doh lengmang a si. June 19 chun sml 12:30pm hrawngah Dnepropetrovsk hmunhma, Shirokaya Dacha khua pawng ah a ummi Ukraine ralkap pawl nawl an i peknak sakhaan cu a dik tein a kap khotu Kalibr hriamngan in kah a si. Aleksandriya operational-strategic phu i commander pawl meeting an tuah lio a si caah AFU General pawl le ralbawi 50 leng thah an si” tiah June 19 ah TV in a chim.

Na ruahning rak langhter ve.. (Leave a comment)

%d bloggers like this: