Ukraine USD $ 33 billion hlutding tiah President nih a chuahpi mi American hluttaw nih hnatlakpinak an ngei

The Chinland Post | May 3 – Ukraine cu USD $ 33 billion hlutding tiah American President Joe Biden nih a chuahpi mi cu Congress hluttaw ah party pahnih ning nih hnatlakpinak an ngei. Ukraine caah sipuazi, raltuknak lei bawmhnak caah $ 13.6 billion cu kum thokka ah rak bawmh a si cang.

American House of Representative hruaitu Nancy Pelocy zong nih President Joe Biden nih a chuahpi mi fehter khawhnak hnga caah rianrang in kan i zuam lio a si tiah Ukraine le Poland a kal lioah a rak chim. A tu bawmhnak hi tangka tamtuk a si caah Hluttaw palai pawl an i uangthlar tuk tiah a chim.

Asinain party 2 chung in palai tlawmte an si caah Europe buainak kong ah President nih a bawmh khawhnak ṭhawnnak a kauh chin mi a si sual lai ti bal a phangmi an um.

Ukraine caah hriam tamtuk a bawmh ruangah American nih hriam a khonmi a tlawmter sual lai ti an phan bantuk in ram chungah tangka a karh tuk i thil man a kai lioah Ukraine caah a ngantukmi bawmhnak pekding mi hi ṭha tein an ruah a hau tiah a chim.

Na ruahning rak langhter ve.. (Leave a comment)

%d bloggers like this: