UN Ah Kawl Ralkap A Dirpi Pengtu Tuluk Le Russia Cu Yang-hee Lee Nih A Doh Hna
TCP-Online| 2018 August 30| Kawl ralkap pawl dan tat dingin UN ah chuahpi fatin Tuluk le Russia ram nih Kawl ralkap an dirpi peng caah mah hihi thil sual a si tiah UN nuhrin covo lei in Kawlram palai Yanhee Lee nih a chim.
Ka hnulei caccawn nikhat ni UN ah Kawlram ralkap pawl nih Rakhine ram i mi an thah ning le an hrem ning cu UN cithlattu bu hna nih an chuahpi i vawlei cung ram hna nih Kawl ralkap cu ICCC khung zung ah tazacuai ding in an ti.
Nain UN ah a zungzal member a simi ram 5 chung in Tuluk le Russia nih cun Kawl ralkap hi an dirpi peng hna.
Hiti UN ah Tuluk le Russia nih Kawl ralkap an dirpi peng hna caah UN nih nuhrin covo lei ca Kawlram palai an chiahmi Yanghee Lee nih cun,
“Tuluk le Russia nih hin Kawl ralkap an dirpi peng lai ti cu ka ruah ciami a si ko. Tuan deuh zongah Kawlram kong a si paoh ahcun a dirpi pengmi ram hnih an si. Lungrawhawk a simi cu UN i humhimnaklei council ram 5 chungah Tuluk le Russia hi aa telmi an si. Ningzah zong an thei lo. Kei cu ka lung a rawk ngai. Cucaah, hibantuk in nuhrin covo a buarmi ram a dirpi pengmi ram hi UN Security Council ram 5 chung ah aa tel tlak zong an si lo.”
Kawlram kong ceih tikah cun Tuluk le Russia ram hna hi vawleicung ram zong nih ruah an hauhnak le Rohinya kong i ICC khungzung ah Kawl ralkap pawl chuahpi ding zong kalpi a herhnak kong Yanghee Lee nih cun CNN Interview nak ah a chim chap.
Ref;VOA
About The Author
