UN Assistant General Secretary Mr. Haoliang Xu Tuni Kawlram A Phan Lai
TCP-Online| 2018 July 10| UN Assistant General Secretary a tuan liomi le UNDP Asia Pacific ah Director rian a tlai cuahmahmi Mr. Haoliang Xu cu tuni ah Kawlram a phan lai tiah Kawlram hrambunh UN zung lei nih an chim.
Mr. Xu cu July 10-12 tiang nihnih chung Kawlram a caam lai i cozah upa le ramkomh Minister cheukhat hna he zong tonbiaruahnak a ngei te lai. Tutan Mr. Xu Kawlram a ratnak a ruang bik cu a luancia June thla lio khan UN, UNDP le Kawlram phuthum kar ah minsen thut in hnatlaknak an ngeihmi pawl tuanhma la ding in biaruahnak zong a ngei hna lai.
Phu thum hnatlaknak an ngeihmi ah hin a bikin Bangladesh ah Kawlram ralzaam pawl Kawlram ah himte in an kir than khawh nakding hi a bikin aa telmi a si.
Mr. Xu cu thaizing ah tuah dingmi Panglong khawmpi zong ah a kai ve lai i khualipi Naypyidaw ah UN nih zung tengnge a thar 12 hunnak zong a tuahpi te hna lai tiah Kawlram hrambunh UN zung lei nih an chim.
Haoliang Xu cu Tuluk rammi a si i 2013 kum lio khan UN SG simi Mr. Ban Ki-moon nih Assistant Secretary General ah rian khinhmi pa a si.
Ref; VOA
