UN Humhimnak Council Phu, Rohingya Ralzaam Umnak Buk An Phan
Salai Aung Aung| 2018 April 30| Myanmar nih hramhram in hremnak ruangah Bangladesh a phanmi Rohingya ralzaam pawl umnak a phanmi UN Humhimnak Council palai phu nih hi hna kong hi kan tlangtlak lai tiah an chim.
Rohingya sing 7 tluk umnak caah Bangladesh ah phungmen in sak chommi ralzaam buk le ramri ah harsa ngai in a thu um mi hna an sining kanmah mit hrim hrim in va hmuh khawhnak caantha kan ngah. UN ah Russia palai a tuanmi palai le a hawile nih hi kong hi cu fawi tein kan mit kan chinh tak hrim hrim lai lo. Asinain hihi awlzaang tein remhchun le tlangtlak khawhmi thil cu a si lo tiah an chim.
Myanmar le Bangladesh kar ah a cangmi thil hi mithmuh kuttongh tein zoh le hmuh a biapi tak tak. Asinain hi buainak hi fawi tein remhchun khawh ding mi cu a si lo tiah UN ah Russia palai a tuan lio mi pa nih thawngfianhnak an tuahmi ah a chim.
UN Humhimnak Council phu pawl cu Bangladesh ram ah nithum an rau i cu hnu cun April 31 ah Myanmar ah lanh ding an si.
Bangladesh um ralzaam pawl kirternak ding ahhin Myanmar cozah lei kap in timhcia kan si cang ko an ti nain Rohingya pawl nih cun kan humhimnak caah UN nih humhimnak nan kan pek a herh tiah an ti. Hi ralzaam pawl hi humhim tein le milung sinak limhang ngei tein an ram (Myanmar) ah an kir khawhnak ding UN le Bangladesh kar ah tlamtling tein hnatlaknak an tuah cang.
Ref: VOA
About The Author
