UN Nuhrin Covo Lei Lutlai Ah Michee Bachelet An Thim

TCP-Online| 2018 August 11| August 10 ni UN General Assembly ah UN i nuhrin covo kong (United Nations High Commissioner for Human Rights) hruaitu dingah Michee Bachelet cu an thim i an fehter cang.

Michelle Bachelet cu UN General Assembly i thlithup mee peknak/zuhnak an tuahmi ah nuhrin covo kong lutlai dingin an thim hi a si i tukum September 1 thok in kum 4 chung UN ah rian a tuan cang lai.

Michelle Bachelet (kum 66) cu Chile ram President Term hnih chung (2006-2010, 2014-2018) a tuan cuahmah mi zong a si. Tutan i UN ah nurhin covo lei kong ah lutlai an thim ni ah hin UN SG Mr. Antonio Guterres zong aa lawm ngai i a thangthat len.

Atu ah United Nations High Commissioner for Human Rights i lutlai a tuan cuahmah mi Zeid Raad Al Hussein cu a term a dih cang lai caah lutlai thar an thim hi a si i, an thim tharmi Michelle Bachelet nih hin hmaithla September 1 in a rian zong tlaih hram aa thok cang lai.

Michelle Bachelet cu Chile ram ah a pakhatnak bik nu President zong a si. Sianginn a rak kai lio hin ramkel lei ah biatakte in a caan rak i pek in a cawlcang ngaimi zong a si i Chile President Augusto Pinochet (1973) chan lio ah ramkhel ruang thong zong an rak thlak balmi a si.

Ref; VOA

Na ruahning rak langhter ve.. (Leave a comment)

%d bloggers like this: