UN Palai Thar June Thla Chungah Avoi Khatnak Myanmar Ram A Tlawng Lai

Salai Aung Aung| 2018 May 24| UNO chungtuan nih Myanmar ram kong ah a hlei in palai thar rian khinhmi Christine Schraner Burgener cu a ra laimi June thla chung ah avoi khatnak Myanmar ram a tlawng lai tiah theih a si.

Bangladesh UN palai he New York i tonnak an ngeih lio ah a chimmi a si i Bangladesh ram chung le ramri ummi Rohingya ralzaam pawl kong an chimmi a si khawh ahcun amah pumpak hrim hrim in va hmuh hna a duhnak kong a chim tiah Bangladesh UN palai zung nih thawngthanhnak an tuah.

Amah i Switzerland palai a si i April 26 ah khan UNO Secretary-General Antonio Guterres nih Myanmar ram kong ah a hlei in tuanvo pek mi palai dirhmun ah rian a khinh hi a si.

Miss Schraner cu 2015 in Germany ram ah Swiss palai tuanvo in rian tuan a thawk mi a si i 2009 in 2015 tiang Thai i Swiss palai zong a rak si.

Ref: DVB

Na ruahning rak langhter ve.. (Leave a comment)

%d bloggers like this: