Unau Hawikom Phu Sin Ah Hriam Chiah In A Sungpe I Nunnak Zuah A Si Mi Ralkap 6,000 Leng An Um
The Chinland Post | 2024 January 30 — Unau hawikom phu nih an thawk mi Operation 1026, thla 3 chung ah hriam chiah in a sungpe i nunnak zuah a si mi ralkap 6,000 leng an um tiah unau hawikom phu nih an thanh.
Unau hawikom phu nih an kah mi sakhaan chung in ralkap pawl thandar rang a thlir mi, hriam chiah in a sungpe mi hna cu an nunnak zuah an si tiah an thanh.
Hriam chiah in a sungpe mi ralkap pawl cu Shan ram chaklei, Laukkai khua lak kahdohnak chung ah 3,000 hrawng an um i Rakhine ram, Kyaukdaw peng ah ralkap 500 hrawng le Rathedaung, Mrauk U, Minbya peng le Shan ram chaklei peng hna in an si.
Ralkap le an chungkhar pawl zoh dawh lo in a thi mi pawl nifatin nan hmuh mi hi hramhram uknak a hnu bik caan donnak ca an si tiah an thanh.
Cun a dih rih lo mi kahdohnak, ramkhel lei hmuitinh vialte a tak in kan ṭuanchuah lai i Myanmar ram mipi pawl saduhthah a tlin khawh nakhnga kan dirṭi lai tiah an thanh fawn.
Shan ram chaklei hmunhma ah chikhat kahdaih hnatlaknak minthut a si ko nain tuah a herh mi le hramhram uknak phung pawl a rawh nakhnga kan tawlrel cuahmah tiah theihternak an tuah.
Operation 1027 ruang ah Laukkai khuachung ah ralkap le ralkap nih an tlaihnak hmunhma pawl in laung-ka-sa a tuahtu minung 36,000 le 40,000 deng tiang Tuluk cozah sin ah (ramkhel lei pressure ruang ah) kan ap hna tiah an thanh.
