UNHCR Delhi nih Ralzam thar lak a ngol chung

0

TCP Delhi – 2021 April 15| United Nation High Commissioner for Refugees (UNHCR), New Delhi zung nih Ramkomh Kawlram in a ra mi Ralzam (refugee) min cazin laknak le khumhnak (register) a ngol chung tiah kan theih.

Hi kong he pehtlai in, UNHCR Delhi nih Ralzam thar laknak a ngol chung, caankarlak dinhter a si” tiah February thla zarh dongh ah UNHCR he meeting a tuah mi upa pakhat nih a chim.

UNHCR Delhi nih ralzam min cazin khumhnak (register) a tuah mi hi COVID-19 karlak zong ah ningkel tein a tuah peng ko. A langtlang (remote) in Online hmang in an tuah lengmang a si ko. Asinain, Ramkomh Kawlram ah Ralkap nih nawlngeihnak hramhram in lak an i timh hnu in, UNHCR Delhi cu India cozah, Pyi-hte-zi (ramchung humhimnak) nih mithar cazin lak lo ding in a kham hna tiah theih a si.

“UNHCR nih February zarh dongh i, meeting kan tuah hnu ah, Telephone in an rak kan chonh. Mithar lak hi kan phih chung rih. India cozah nih tuah rih hlah u an kan ti tiah (UNHCR) zung riantuantu nih zatlang bu hruaitu upa sin ah an kan thanh tiah The Chinland Post ah a chim. Cutin, thawng an kan thanh hnu ah, pehtlaihnak kan rak in tuah than te hna lai an kan ti nain, nihin tiang zeihmanh a um lo tiah a biapeh a chimchap.

Atulio Delhi ah, Chin miphun ralzaam dirhmun in 3200 tluk an um i, tutan Ramkomh Kawlram ah Ralkap nih Feb. 1 in nawlngeihnak hramhram lak an timh hnu in Delhi ah 100 fai an phan i, Mizoram a phan mi hi, 2000 leng an si cang. Cuchung ah,  MP 14 an i tel tiah theih a si. Mizoram a phan mi hi Chin miphun lawng silo in, miphun kip le hmun kip in an si i, Mizoram khua 12 tluk ah an phan tiah theih a si.

Kalay in Mizoram a phan mi chung in Covid-19 rulrung a hmuh caah, a phan thar mi poahpoah Home Q ah chiah an si fawn. Culio ah, Delhi ah a ummi Chin miphun cu UNHCR nih Covid-19 rai runvennak si chuh ding an ti nain, nihin tiang kum 60 cung upa hmanh chunh an si rih lo.

India ram ah Covid-19 zawtnak a karh tuk i, anmah ram miphun cu kum 45 cung poahpoah runvennak sii an i chunh lio pi a si. #

About The Author

Na ruahning rak langhter ve.. (Leave a comment)

%d bloggers like this: