Upadi ning Riantuanlo Chin Vuanci Pawl Kan Phuakpiak U Tiah Duhnak Langhter Timh

0

Salai Josephbawi| 2019 July 29| Chin ramkulh Cozah tawlrelnak in Hakha khuapi thancho sernak caah Hakha Cawbuk ah Ekah 676 kau innhmun samh dingin timh tuah cuahmahmi cu Upadining in rian a tuanlomi Chin vuanci pawl kan phuahpiak hna u timi tel in biatlangtar pa 7, duhnak auphuannak pa 16 aa telmi duhnak langhternak cu July 31, 2019 zing sml 10 Thantlang-Falam lamton, Hakha in an thok lai tiah theih a si.

Duhnak langhternak (Sandahpiah) poster tlangtar ah Chin nunphung ningin ngeihmi lo inn hrawh kan duhlo, Hakha sipin area 43.9 meng velchum kan herhlo,  Upadining in rian a tuanlomi Chin vuanci pawl kan phuahpiak hna u, sifak lothlo minung vawlei zuar in ramkulh thanchonak kan herhlo, Chinram ah vawlei lawng a um lo (pupa ram lawng a um), Vawlei chuh upadi ning tuahlo nawlngeihnak in tuahmi ngol u, Chin nunphung le phunglam kan covo upat u timi hna poster in langhter an timhmi cu Cozah sin capekmi ah hmuh a si. Duhnak lamzawhnak nawlhalnak zong July 26, 2019 ah Peng palek bawi sinah an hal I nawlpek a si cang tiah theih a si.

Hakha cu khuapi a si caah innhmun ekah 676 kauh kan timh. Innhmun samh kan timh bak in inn an rak cio. Cu ningcang lo in inn asami paoh thehding kan ti hna i an thehlo zongah upadi ningin kan tuan lai. Tampi chimzia ka thiam lo. Upadi ningin tuan kan itim ko” tiah Lam lei Vuanci le atulio Hakha Cawbuk Hmunthar peknak lei tuanvo ngeitu Vuanci Sui Thio nih The Chinland Post ah a chim.

“Laimi cu phunglam lam kan rak ngei. Kanmah le phunglam sining cio in ram kan ngei. Kadang ram le ramthen kan zoh tikah sui le ngun lungvar an chuak, kadang he kan ilawhlonak cu Vawlei thlawh in paw aa cawmmi kan si. Cucaah vawlei hi ningcang lo lak in cheuh le bauh kan duh lo. Cozah in nizan Cozah tiang Vawlei nih an kan det, an kan chuh ballo. 2015 in NLD a kai hnu ah Cozah nih Vawlei ngeitu kha chim le ruah um lo in anmah duh paoh in Myopiah Simanking an timi Vawlei kha an hman. Mah caah cun Hakha ram ngeimi le mizapi nih Vawlei hi kan sian lo a si lo. Anmah nawlngeihnak lawngin an tuah caah kan duh ve lo. Tha tein mizapi kan ceihpi hna sehlaw Hakha thancho a duhmi kan si caah kan pek ve ko lai. 1954 in 2019 tiang Vawlei upadi an chuahmi ah inntek Vawlei ngeitu sinah hal u tinak upadi a um ko. Mizapi kha hallo in anmah duhningin an tuah caah a tu bantuk thil a canmi hi a si. Hi thil kan tuahmi hi Techin fapar chanding hmun seh ti kha ka duh” tiah Hakha lothlo bu chungtel Pu Zung Mang nih The Chinland Post ah a chim.

Hakha Cawbuk khuapi kauhnak ding ekah 676 innhmun samhnak cu July 18-August 18, 2019 thlakhat chung Hakha ah kum (10) nak tam chungkhar cazin he khua a sa i sangkip lutlai, khuabawi nih inn a hlang ko tiah timi le Cozah riantuan a si ahcun Cozah rian a tuannak in Kum 10 leng a si cang ko tiah tanpinak a ngeimi lawng nih sok cuahmah a si. August 18-30, 2019 kar ah innhmun hmuh le hmuhlo theihternak le pekchannak tuah a si lai.

Hakha Cawbuk hmun kauh dingmi ah ningcang lo in inn asami hna cu inn thehdingin August zarhkhatnak tiang lawng caan pek an si i cu hnu a thehlo a ummi paoh Chin ramkulh Cozah nih upadi ningin dantatnak tuah a timh tiah theih a si.

About The Author

Na ruahning rak langhter ve.. (Leave a comment)

%d bloggers like this: