UPC Khrihfabu PYD Icon A Thiam Bik Top 10 Zuamnak Tuzan An Tuah Lai

Salai Cung Cung | 2019 April 4| April 2 in thawkmi avoi 1nak UPC khrihfbu PYD Icon hlasak zuamnak ah aa zuammi 26 chung in a thiam bik minung 10 (top 10) zuamnak cu April 4 zan ah an i zuam than cang lai tiah tuanvo ngeitu sin in kan theih.

Hi hlasak zuamnak i minung 26 aa zuammi chung ah a thiam bikmi minung 10 (Top 10) hna cu; Bawi Min Lian, Peng Uk Thang, Van Hlei Iang, Tha Hlei Iang, Tha Hlei Sung, Mary Par, Bathshaba Hniang Tha Cer, Suily Par, Biak Cuai Sang, Biak Hlawn Zing le Ngun Chin  Tial an si. Top 5 hi April 6 zan ah an i zuam than lai tiah kan theih.

“Hi hlasak zuamnak ah Top 5 tiang a phanmi hna cu special guest sawmmi minung 5 hna he album pakhat an i chuahti lai. Pakhatnak a hmumi cu ramchung ramleng kanmah UCP khirhfabu chung in hlasak um kal khawhnak kan tuahpiak lai” tiah  Five Brother Youth Ministry president John Fready nih The Chinland Post ah a chim.

Hi hlasak zuamnak ah music a tumtu hna cu, Lead Guitar tum Pa Biak, Bass Pa Khar, Rhythm  Thawngpi, Keyboard Sang Ceu, Drum Kawi Thawng an si . Special guest hlasak thiam sawm mi hna cu Zion Par, Bawi Hlei Cuai, Lal Tha Chin Sang le Hre Mang an si.

Hi hlasak zuamnak ah judge tuantu hna cu; Pu Herh Lian, Mang Lian Chawn le Maikimmi an si. Zuamnak caah laksawng cu; pakhatnak tangka Sing 10 (1,000,000) le trophy, pahnihnak tangka Sing 7 (700,000) le trophy, pathumnak tangka Sing 3 (300,000) le trophy an si tiah kan theih.

Hlasak aa zuammi 26 chung in top 10 an thim colh hna. Top 10 in Top 7, Top 7 in Top 5, Top 5 in Winner thim colh an si lai.

Na ruahning rak langhter ve.. (Leave a comment)

%d bloggers like this: