Uruguay Le Brazil Maw Na Zumh Deuh, France Le Belgium Dah?
City Hunter| 2018 July 6| Tuzan cu Kawlram caan in zan suimilam 8:30 ah Uruguay le France an chuih lai i deilei suimilam 12:30 ah Brazil le France an chuih ve lai. A luancia an tuanbia zoh tikah Uruguay le Brazil hi teinak voi tamdeuh an hmu. Cucaah, tuzan teinak hmu ding ah Uruguay le Brazil maw na zumh deuh hna, France le Belgium dah?
Tuzan suimilam 8:30 ah Uruguay le France an chuih lai i aa teimi paoh semi final an kai lai. Cu bantuk in deilei suimilam 12:30 ah Brazil le Belgium an chuih ve lai i aa teimi paoh semi final an chuih ve lai.
World Cup lamthluan le tuanbia zoh tikah France nakin Uruguay an tha deuh, teinak voi tamdeuh an hmu. Cu lawng si lo in France nih champion voikhat lawng an co rih lio ah Uruguay nihcun champion voi 2 an co cang. Cu bantuk in Belgium nakin Brazil hi an tuanbia a tha deuh, teinak voi tamdeuh an hmu fawn. Belgium hi champion an co bal rih lo, Brazil cu champion voi 5 an co cang. Asinain tukum World Cup tu ahcun Brazil nakin Belgium an thiam deuh, an ke a chuak deuh i teinak voi tamdeuh an hmuh lawng si lo in goal zong tambik a sut khotu phu an hung si.
Tuzan ah Uruguay le Brazil nih an tuanbia hlun an runveng kho lai maw? Asiloah France le Belgium nih an tuanbia hlun kaltak in tuanbia thar dah an tial lai? Tukum ah minthang Germany, Portugal, Argentina le Spain an tlakmi bantuk in thil sining le khuacaan umtuning khupthal aa leh ve lengmang bantuk in France le Belgium nih teinak an hmu kho lai ti na zum maw? Sining le dirhmun aa thleng kho timi tette langhternak caah tuzan cu France le Belgium an awng lai i semi final an kai lai tiah ka zumh. Nangtah ahodah na zumh ve hna?
Quarter final Ah Aa Zuamcawhdingmi Phu 8 cu;
1. July 6 zan suimilam 8:30 ah Uruguay le France (Group A)
2. July 7 deilei suimilam 12:30 ah Brazil le Belgium (Group B)
3. July 7 zan suimilam 8:30 ah Sweden le England (Group C)
4. July 8 deilei suimilam 12:30 ah Russia le Croatia (Group D) an si.
Biakilh: Hi cabia cu The Chinland Post hmuhning a si lo, catialtu pumpak hmuhning a si.
About The Author
