Uruguay Nih Portugal An Thlaknak Hna Caah C. Ronaldo Nih Sui Kedan A Tlolh Diam
City Hunter| 2018 July 1| Round of 16 timi sungh-tlak chuih ah Uruguay nih Portugal an thlak hna caah Uruguay cu Quarter final an kai cang. July 6 zan suimilam 8:30 ah France he quarter final an chuih lai. Portugal in C. Ronaldo nih tukum World Cup sui kedan cu ruahchan awk um ti lo in a tlolh diam ko cang.
July 1 deilei ah Uruguay le Portugal cu sungh-tlak an chuih i Uruguay nih 2-1 in an tei hna. An chuih minute 7 ah Uruguay in Edinson Cavani nih goal 1 a sut. Dinhcaan hnu minute 55 ah Portugal in Pepe nih goal 1 a sut ve. Minute 62 ah Uruguay in Edinson Cavani nih avoi 2nak a goal than. Uruguay in Edinson Cavani hi goal 3 a ngei ve cang i Luis Suarez belte goal 2 lawng a ngei rih.
Portugal in goal 4 a ngei cangmi C. Ronaldo cu tukum World Cup sui kedan cotu ding zumhmi lakah aa tel ve nain an tlak cang caah sui kedan cu a tlolh diam cang, a co kho ti lo. Cu bantuk in Argentina zong sunghtlak chuih in an tlak cang caah sui kedan a co kho ve ti lo.
Round of 16 chuih ah minthang phu a simi Messi hruaimi Argentina le C. Ronaldo aa telnak Portugal phu cu an tla ruangmang cang.
Round of 16 A Chuih Ding Le Aa Zuamcawh Dingmi Phu
- July 1 zan suimilam 8:30 ah Spain le Russia
- July 2 delei suimilam 12:30 ah Croatia le Denmark
- July 2 zan suimilam 8:30 ah Brazil le Mexico
- July 3 deilei suimilam 12:30 ah Belgium le Japan
- July 3 zan suimilam 8:30 ah Sweden le Switzerland
- July 4 deilei suimilam 12:30 ah Colombia le England
Sungh/tlak -round of 16 ah teinak a hmutu phu 8 kha quarter final an chuihte lai. Quarter final ah teinak hmutu phu 4 cu semi final an chuihte lai. Semi final ah teinak hmutu phu 2 kha champion an i cuh te lai.
Tukum World Cup Group Stage chuih in a tlami phu 16 cu; Group A in Saudi Arabia, Egypt, Group B in Iran le Morocco, Group C in Australia le Peru, Group D in Nigeria le Iceland, Group E in Serbia le Costa Rica, Group F in Germany le South Korea, Group G in Panama le Tunisia, Group H in Poland le Senegal an si.
Mark khat hmanh hmu lo in group stage in a tlami phu hna cu; Panama le Egypt an si. Mark 1 lawng a hmumi phu cu; Morocco, Australia, Iceland le Costa Rica an si.
About The Author
