US Commanding General Ralkap Bawi Dihlak Dengmang Quarantine An Lut

Salai Bawi Lian Sang| TCP-Kalay| October 8, 2020| Coronavirus (COVID-19) pulrai zawtnak a ngeimi US ralkap United States Air Force Commanding General Charles Ray he neihniam in a um mi US ralbawi Army Chief of Staff commanding General Mark Miley telh in a dang ralbawi tampi cu Quarantine an lut.

Army Chief of Staff General Mark Milley he rian tuan ti mi Ralbawi Commanding General John Hyteen hna cu kan hnu lei zarh meeting tuahnak ah aa telmi ralbawi vialte cu October 6, ah Swab test ah negative zawknak hrik an hmuh lo tiah Pentagon ralkap zung in VOA ah an chim.

Army Chief of Staff Commanding General Miley le Hyten he Ray ban tuk in meeting ah a tel mi ralbawi hna cu vawLei ralkap chief of staff of the Army (CSA) commanding General Jame Mc Conville, Ti lei ralkap commanding General Mike Gilday, Vanlawng Air force commanding General Charles hna le space force ralkapbawi Commanding General John “Jay” Raymond le Marine commanding General Gary Thomas hna zong an i tel tiah rampi hunhimnak ralkap lei in thawng an thanh.

Rampi runvennak lei ralkap bawi , National Guard Bureau General Daniel Hokanson, Cyber lei commanding General Paul Nakasone le a kut tang riantuan pawl zong Commanding General Ray he tonpumhnak aa telmi hna an si.

United States Air Force General Ray coronavirus hrik zeitin a ngeih khawh ning ti hi fiang te in theih a si rih lo tiah Pentagon lei in an chiim

US pulrai lei tuanvo ngeitu hna tawlrel ning te in US ralkap bawi Commanding General pawl zong Quarantine an lut a si tiah VOA ah an chim chih.

Mah meeting tonpumhnak ah President Donald Trump a nupi Melania Trump zong a tel hnu ah President nu pa covid hrik an ngei hi a si. Ref: VOA