US Cozah Nih Guantanamo Thonginn Pehzulh In Hman A Timh Rihnak Kong A Chim

Salai Aung Aung| 2018 May 3| Cuba ramchung Guantanamo tikulh ah a ummi US nih ral ruang i an tlaihmi an chiah hna nak thonginn cu pehzulh in hman an timh rih i ral tuknak kong he pehtlai in an lunghrinhmi ralhrang pawl nih USA an tlerhkhonh chung paoh cu hi thonginn ah kan hren ko hna lai tiah an chim.

American ral thonginn pi cu pehzulh in kan hman rih ko lai tiah President Donald Trump biachahnak kha lungtlin piin a hnu bik remhmi Pentagon ral lei lutlai zung nih Nicawn (Cawn Nithum) ah khan US Innrangpi (White House) ah ca an kuat cang.

Guantanamo thonginn ah a um ding thongtla paoh nih an zulh dingmi phunglam vialte le runvennak minister nih a remh mi kha inn rang pi ah an kuat khi a si tiah runvennak zung in chimrelnak nawlngei Miss Sarah Higgins nih a chim.

Donald Trump nih hin rampi thimnak a rak i cuh lio ah ral Guantanamo thonginn hi pehzulh in ka chiah lai tiah biakamnak a rak tuahmi a si i ralhrang pawl zeitindah ka tlaih, tawlrel hna ning a si lai timi kong cu President a tlin in ni 90 chungah US runvennak minister sinah mumai sersiam tharchuah dingin kan hnu January ah khan a fial mi a si.
Ref: VOA

Na ruahning rak langhter ve.. (Leave a comment)

%d bloggers like this: