US Embassy Cu May Thla Chungah Jerusalem Khua An Thial Cang Lai
TCP-Online| 2018 February 24| Israel ram kum 70 nak tlin kum he i rual dingin US Embassy cu Jerusalem khuapi ah hmaikum 2019 May thla ah thial a si cang lai tiah US cozah nih thanh chuah an tuah cang.
Jerusalem khuapi i US Embassy a umnak ding hmun cu US council zung chung ah a si lai ti zong US ramlem minister zung nih cawn ni nga ni khan a chim.
President Donald Trump nih Israel ram khualipi cu Jerusalem a si tiah nikum December thla khan theihpinak le thnahchuahnak a rak tuah hnu in US Embassy zong Jerusalem khuapi ah thial ding an timh zong hi a si.
Tu ah Israel ram US Embassy zung cu Tel Aviv khua ah a um.
US nih Embassy zung cu thial ding aa timh minak kum khat tuan deuh in thial a timh tikah Palestine rammi pawl cu an thin a hung ngai.
Palestine ram mi ca cun Israel ram rak dirh kum 1948 May 14 ni cu Nakba tiah auhmi ni chia tiah an timi si tikah thin hung pah in an lung zong a chia ngai.
Palestine ram minister pakhat Saeb Erekat nih cun tubantuk in US nih kanmah ni chia ti kan ruahmi caan te i Embassy zung thial an timhmi hi zei ah an kan rel lo bia a si tiah a chim.
Ref:VOA
About The Author
