US Embassy Yangon nih a Rammi kirnak a tawlrel cuahmah

The Chinland Post| 2020 April 2 — Yangon ah hrambunhmi US Embassy nih a US rammi sinak puitling he (US Passport a tlaihmi) Ramkomh Kawlram chung a tartahap mi caah Yangon in US lei kir ding in timhlamhnak a ngei cuahmah tiah April 1 ah an thanh.

Atutan, US cozah nih tlunkalnak a tawlrelmi ah US rami sinak a ngeimi lawng silo in, Green Card a tlaihmi zong nih sok khawh le kirnak nawlhal khawh a si. Asinain, US rammi sinak a ngeimi papek an si lai. US ah permanent resident a ngeimi hna caah cun, a luan ciami thla 12 chung US ah khuasaknak hmunhma (address) langhter chih a herh lai tiah an thanh.

Covid-19 ruang ah vanlawng nih a let takmi, vanlawng transit nak ding ram nih kharkhanh (Lockdown) ruang ah Kawlram ah a tangmi hna caah US Embassy nih tlunkalnak, kirnak a tlawlrel cuahmah.

Yangon International Airport lawng in vanlawng cu a thawh lai, asinain zeitik ni set dah Vanlawng a zuan lai timi cu biakhiahnak an tuah rih lo.

Cun, US ram chung khawika set ah dah vanlawng a tum lai timi zong fiang in biakhiahnak an tuah rihlo. Asinain, a tlungkalmi poahpaoh nih US ramchung umkalnak cu anmah tein tawlrel a si lai tiah US Embassy Yangon cathanh ahcun an langhter.

Yangon in US zuannak ah vanlawng man hi tlungkalmi pumpak nih liam ding a si lai. US cozah nih liam piak a si lai lo. Nain, Vanlawng man cu, caanhman (ningkel) in a zuang tawnmi i a kirlei man tluk lawng a si lai.

Vanlawng a chuah hlan ah, Vanlawng ticket man zeizahdah a si lai timi cu an thanh lai.

Tlunkal le kir a duhmi nih US Embassy sin ah a hlankaan in thawngthanh ding a si. Vanlawng a kir dingmi ah thutnak tinlo le tlamtlinlo a um khawh caah, a tanglei bang hin tawlrel ning cu a si lai.

  1. Covid-19 zawtnak he pehtlai in thinphan ri a simi hi papek an si lai i, a chungkhar ning in an tlung kho lai.
  2. US rammi sinak ngeimi nulepa nih hrinmi US ngakchia hna hi papek an si lai.
  3. A dang poah cu a min cazin a pe hmasa mi poahpoah kha papek an si lai.

US ah Yangon US Embassy nih tawlrelmi in kir a duhmi poahpoah nih hika ahhin, min cazin pek ding a si. Hika Link hi hmet! 

Hi kong ah tling deuh in theih a duhmi nih a tanglei US Embassy Yangon nih thlahmi ah rel khawh le sok khawh a si.

Herhhai pehtlaihnak:

U.S. Embassy Rangoon, Burma
110 University Ave
Kamayut Township, Rangoon, Burma

Phone: +95-1-7536-509
Email: acsrangoon@state.gov
https://mm.usembassy.gov

State Department – Consular Affairs
888-407-4747 or 202-501-4444

Burma Country Information<https://travel.state.gov/content/travel/en/international-travel/International-Travel-Country-Information-Pages/Burma.html>
Enroll in Smart Traveler Enrollment Program (STEP)<https://step.state.gov/> to receive Alerts.

Na ruahning rak langhter ve.. (Leave a comment)

%d bloggers like this: