July 24, 2024

US Hluttaw Nih Myanmar Ralbawi Ngan Pawl Dantatnak Upadi A Fehter

0

Aung Aung| 2018 January 9| Rohingya pawl cung ah minung covo buarnak a tuahmi Myanmar ralbawi ngan pawl kha tinh in khualtlawnnak nawl phihkharnak upadi pakhat cu US Hluttaw ramdang pehtlaihnak committee nih February 7 ah khan an cohlan.

Tu an fehtermi Burma Human Rights and Freedom Act timi Myanmar Minung Covo le Zalonnak Act Upadi timi cu Myanmar ralbawi pawl nih ruru hranghrang in mi va ramhnak an tuahmi thil an ngol cang tiah US ramdang pehtlaihnak zung le runvennak zung nih an cohlan lo chung paoh cu Myanmar le US ralkap le raltuk lei ah i bawmh lo ding in a khamtu a si lai. Cu leng ah Myanmar Sipuazi le Runvennak lei kong thlenremhnak cu tha kan pek lai i mizapi cozah kut ah tluang tein uknak nawl a pek nak ding zong tha pek le tuan khawh kan i zuam lai tiah cu upadi chung ah cun an telh.

Cu upadi he pehtlai in US Hluttaw palai pakhat nih, “Myanmar ram um Rohingya le miphun dangdang hna cung ah Myanmar cozah ralkap nih minung covo an buar ning hi zumh khawh lo tiang in a zualhma. Ruru hranghrang in miphun ning in thah nawn cihmihnak an tuahmi ruang ahhin tuanvo ngeitu hna ngaihthiam awk an si lo timi fiang tein langhternak ding ah US rampi nih tuanvo kan ngei. Nihin upper house (Amyotha Hluttaw) ramdang pehtlaihnak committee nih kan cohlan mi upadi hi a no tuk rih mi Myanmar Democracy runvennak caah a herh mi karhlan pakhat a si” tiah a chim.

Upper House palai Cardin zong nih, “nihin kan fehter mi upadi hi a luancia thla tam nawn ah khan Rohingya cung ah an tuahmi miphun cihmihnak le minung sining ralchanh in tuahmi lainawnnak ruangah Myanmar cung ah US nih mumai a dikmi karhlannak a thawk cang. Hi upadi nih hin Myanmar ram mi le sipuazi lei hnorsuan ding aa tim lo, ralbawi ngan cheukhat kha aa tinhmi hna a si” tiah a chim.

Myanmar Tatmadaw nih timh ciammam tein an tuah mi lainawnnak, tlaihhremhnak, thawldawinak, khua mei duah na tibantuk pawl ruang ah Rohingya minung 700,000 tluk ram inn pa Bangladesh ah an zaam tiah February 7 ah Ben Cardin le a dang MP pakhat nih an chuah mi cathanh pakhat ah aa tel.

Myanmar ram i hmailei a sining ding le Democracy lamthluan kong ah biachahnak a tuahtu ding cu Myanmar rammi an si nain US Concrete Hluttaw nih miphun cihmih nak a tuah mi minung covo buarnak hi kutsih in zoh saw hawk a tha lo tiah an chim.

Ref: VOA

About The Author

Na ruahning rak langhter ve.. (Leave a comment)