US President Joe Biden Nih Nihin Myanmarram Thil  Sining Ah Biachimnak A Ngei

Salai Bawi Lian Sang| TCP-Kalay| February 2, 2021| Myanmar ram Ralkap nih uknak hramhram in an lak nak le Aung San Suh kyi le mipi nih thimmi upa vialte an tlaihnak kongah  rampi cungah arangnak in Democracy tlengnak ah upadi ning in zulh ti lo in dohkalhnak a tuah mi a si. Democracy hruaining ah mipi duhnak zeirel loin le mipi nih lungtlin tein thimmi cu hnawhpiak ding a si lo.

Myanmar mipi nih Democracy thimnak le mipi nih  thimmi uknak a hmun kho ding le daihnak  he uknak hmuh ding in Myanmar ram mipi nih kum tampi an rak i zuam. Atu bantuk thanchonnak a um mi hi upat ding a si.

Myanmar ralkap nih Uknak an lak thanmi cu  mipi sin ah pekthan ding le tlaihkhih a tonmi upa pawl a rangnak in thlah than ding, phone le internet(pehtlainak) a phit mi on than ding le mipi cung ah harnak peknak cu hrial zoh ding caaah vawlei cung ramkip nih Myanmar ralkap cungah awkhat lungrual tein chim rel a herh. Mahbantuk buainak a tonmi Myanmarram mipi he hmunkhat thinlung khat he dir cio ding a si tiah US nih cathluam an chuah.

Democracy rim a nan thannak hnga le upadi ning tein uk nak a um than i Myanmarram Democracy uknak a um thannak hnga tuanvo ngei tu hna nih kan rian cio a si nak le  kan mah lei zong nih vawlei cung ramkip hawikom ram hna he tuan ti ding tuanvo kan ngei.

US ram nih Myanmarram phit/khar mi zong a hlan kum 10 lio ah kan rak hnawh piak hna. Mah bantuk thil a si cang mi kha hnu lei kir than an I timh than mi cu kan mah lei nih Upadi ningin phit/khar than ding zong zoh than le a herh ning in a zizutnak tuah a herh ko lai.

Democracy cu zeibantuk hmun poah ah hnahnawhnak a ton ahcun US ram nih cun cohlan kho a si lai lo. Ref: BBC News

Note: A Biachimmi BBC an tialning in lehmi a si. _ The Chinland Post

Na ruahning rak langhter ve.. (Leave a comment)

%d bloggers like this: