US President Thar Joe Biden Biakamnak Ah Rampi Lemcang Thiam Minung Tam An I Tel Lai

Salai Bawi Lian Sang| TCP-Kalay| January 16, 2021|US President (46)nak thimmi Joe Biden biakamnak cu January 20, 2021 ah tuah a si lai. Mah biakam ni ah Lady Gaga nih rampi hla saknak le Jennifer Lopez nih US congress ah tuahding mi ah Hlasak nak a ngei lai.

TV muicuang langhnak minute (90)chung thlah dingmi President biakamnak special program ah Lemcuang minthang Tom Hanks nih Caantlaih (MC) a tuan lai. A dang hlasa minthang Justin Timberlake, Bon Jovi, Lovato le Ant Clemons hna zong an i tel lai tiah theih a si.

Biakamnak puai ah Georgetown in Sianghleirun lutlai hlun Pastor Leo O’Donovan nih biakamnak Program a hruai te lai. Rampi Thantar(flag) tung tlaitu ding ah Georgia State Meithat zung lei in Andrea Hall nih a hruai te hna lai.

US ram mino biazia thiam Nu Amanda Gorman nih biazia relnak le Delaware State Wilmington in Bethel African (Methodist Pastor) Silvester Beaman nih thlachuah a pek lai tiah theih a si.

Crd: VOA Myanmar